मुंबई - तमिळ चित्रपट दिग्दर्शक पा रंजीथ याचा हिंदी चित्रपटांमध्ये पदार्पणाचा अॅक्शन ड्रामा 'बिरसा' हा चित्रपट या वर्षाच्या अखेरीस फ्लोअरवर जाणार आहे, असे निर्मात्यांनी शुक्रवारी शेअर केले. नमाह पिक्चर्स अंतर्गत शरीन मंत्री आणि किशोर अरोरा निर्मित, हा चित्रपट 19व्या शतकात ब्रिटिश वसाहतवादी अत्याचारी लोकांसमोर उभे ठाकलेल्या झारखंडमधील आदिवासी नेते बिरसा मुंडा यांच्या जीवनावर आधारित बायोपिक आहे.
"बिरसा या अॅक्शन ड्रामा चित्रपट आतापर्यंत कधीही न पाहिलेल्या ठिकाणी मोठ्या प्रमाणावर चित्रित केला जाईल आणि मोठ्या पडद्यावर हिरवेगार लँडस्केप आणि पूर्वी कधीही न पाहिलेले खोल जंगल आणले जाईल," असे निर्मात्यांनी एका निवेदनात म्हटले आहे.
- " class="align-text-top noRightClick twitterSection" data="
">
सरपट्टा परंबराई, मद्रास, रजनीकांत स्टारर काला आणि कबाली यांसारख्या प्रशंसित तमिळ चित्रपटांच्या दिग्दर्शनासाठी प्रसिद्ध असलेला रंजीथ म्हणाला की, बिरसावर काम सुरू करण्यासाठी तो खूप रोमांचित आहे.
"माझ्या पहिल्या हिंदी चित्रपटासाठी मी यापेक्षा चांगला प्रकल्प निवडू शकलो नसतो. चित्रपटामागील स्क्रिप्टिंग आणि संशोधन ही प्रक्रिया खूप समृद्ध करणारी आहे. मला बिरसांच्या जीवनातून आणि स्वातंत्र्य आणि स्वायत्ततेबद्दलच्या त्यांच्या दृढ विश्वासातून प्रेरणा मिळाली आहे. संशोधन आणि स्क्रिप्टिंगच्या प्रक्रियेदरम्यान निर्मात्यांनी संयम बाळगल्याबद्दल त्यांचे आभार," असे दिग्दर्श पा रंजीथने एका निवेदनात म्हटले आहे.
निर्माते मंत्री म्हणाले की प्रॉडक्शन हाऊसला गुंतवून ठेवणाऱ्या, मनोरंजन करणाऱ्या आणि प्रेरणा देणार्‍या कथा लिहिण्यात रस आहे. ते म्हणाले, "टीमने चित्रपटासाठी गहन संशोधन केले आहे आणि बिरसाची कथा मोठ्या प्रमाणावर जिवंत करण्याचे आमचे ध्येय आहे."
हेही वाचा - Who Is Gangubai Kathiyawadi? : गंगूबाईचा "काठियावाड ते कामाठीपुरा" धक्कादायक जीवनप्रवास
