मुंबई: कोरोनाव्हायरसच्या उद्रेकामुळे लॉकडाऊनमध्ये असलेल्या अभिनेता विक्की कौशलने सोशल मीडियावर आपल्या चाहत्यांशी संवाद साधला. यावेळी त्याने आपला पहिला क्रश माधुरी दीक्षित असल्याचे म्हटले होते. सोशल मीडियावर त्याने माधुरीसोबतचा आपला फोटो शेअर केला आहे.
विकीने बुधवारी आपल्या इन्स्टाग्राम स्टोरीवर आपल्या चाहत्यांशी प्रश्नोत्तराच्या सत्रात चर्चा केली. एका युजरने त्याला 'तुमचा पहिला क्रश कोण होती?,' असा प्रश्न विचारला. याला उत्तर देताना त्याने माधुरी दीक्षितसोबतचा फोटो शेअर केला आहे.
दुसर्‍या एका युजरने त्याला आजवरच्या त्याच्या सर्वात आव्हानात्मक चित्रपटाबद्दल प्रश्न विचारला. यावर विक्कीने 'रमण राघव २.०' चे पोस्टर शेअर केले.
विकी आपला वेळ कसा घालवत आहे, हे एकाने विचारले असता त्याने लिहिलंय, "कुटुंबासमवेत वेळ घालवतो, चित्रपट आणि कार्यक्रम पाहतो, मेहनत करतो, कधीकधी आईबरोबर योग, मित्रांसह व्हिडिओ कॉल करतो," असे तो म्हणाला.
क्वारंटाईनबद्दल त्याची मते काय आहेत असे विचारले असता तो म्हणाला, "आत्ता सर्वात महत्वाची गोष्ट! घरी राहा. सुरक्षित राहा."
