मुंबई - अभिनेत्री राखी सावंत पती रितेशपासून विभक्त होत आहे. राखीने इन्स्टाग्रामवरुन या निर्णयाची घोषणा केली. तिने लिहिले, "प्रिय चाहते आणि हितचिंतकांनो, फक्त एवढेच सांगायचे होते की रितेश आणि मी वेगळे होण्याचा निर्णय घेतला आहे." राखीने पुढे ठामपणे सांगितले की तिच्या आणि रितेशमध्ये बरेच काही घडले आहे आणि "बिग बॉस 15" नंतर गोष्टी तिच्या नियंत्रणाबाहेर असल्याने तिला हा निर्णय घ्यावा लागला.
"'बिग बॉस' नंतर बरेच काही घडले आणि मला काही गोष्टींबद्दल माहिती नव्हती ज्या माझ्या नियंत्रणाबाहेर होत्या. आम्ही आमच्यातील मतभेद दूर करण्याचा प्रयत्न केला आणि गोष्टी पूर्ववत सुरळीत करण्याचा प्रयत्न केला परंतु मला वाटते की आम्ही दोघेही सौहार्दपूर्णपणे पुढे जाणे चांगले आहे आणि आम्ही दोघेही स्वतंत्रपणे आयुष्याचा आनंद घेत राहू,” असे राखीने पुढे नमूद केले आहे.
- " class="align-text-top noRightClick twitterSection" data="
">
हेही वाचा - Pondicherry : संपूर्णतः स्मार्ट फोनवर शूट झालेला पहिला मराठी चित्रपट, ‘पाँडीचेरी'!
व्हॅलेंटाईन डेच्या आधी विभक्त झाल्याबद्दल तिने तिची वेदना व्यक्त केल्या. तसेच तिने रितेशला आनंदी आयुष्यासाठी शुभेच्छा दिल्या. "व्हॅलेंटाईन डेच्या आधी हे होतंय याचे मला खूप वाईट वाटते, पण निर्णय घ्यावा लागला. मी रितेशला आयुष्यासाठी सर्वोत्तम शुभेच्छा देते, पण माझ्यासाठी आयुष्याच्या या टप्प्यावर मला माझ्या कामावर लक्ष केंद्रित करावे लागेल आणि माझे जीवन आणि स्वतःला आनंदी आणि निरोगी ठेवावे, असे "बिग बॉस" नियमितपणे सांगत आला आहे.
तिची परिस्थिती समजून घेतल्याबद्दल आणि तिला पाठिंबा दिल्याबद्दल तिच्या चाहत्यांचे आभार राखीने मानले आहेत. ती पुढे लिहिते, "मला समजून घेतल्याबद्दल आणि समर्थन दिल्याबद्दल धन्यवाद!"
यापूर्वी राखीने रितेशसोबतचे संबंध बिघडल्याचे संकेत दिले होते. तिला रितेशच्या भूतकाळाबद्दल आणि त्याच्यासोबत स्थायिक होण्यापूर्वी त्याचे पूर्वीचे लग्न आणि मुलाबद्दल माहिती नव्हती. रितेशची पहिली पत्नी स्निग्धा प्रियाने त्याच्यावर घरगुती हिंसाचाराचा आरोप केला होता, परंतु राखी तिच्या पतीच्या समर्थनार्थ उभी राहिली होती, तरीही तिने या नात्याबद्दल निराशा व्यक्त केली होती.
हेही वाचा - अजय अतुलचे 'झुंड'मधील पहिले दणदणीत गाणे रिलीज
