मुंबई - बॉलिवूड अभिनेता आमिर खान सध्या दिल्लीत लालसिंग चड्ढा चित्रपटाच्या चित्रीकरणात आहे. शूटिंगदरम्यान आमिर खानला त्याच्या बरगड्यांना दुखापत झाली आहे. सेटवरील एका सूत्रांनी सांगितले की, "काही अ‍ॅक्शन सीन्सच्या शूटिंगदरम्यान आमिर खानच्या बरगड्यांना दुखापत झाली आहे. मात्र चित्रपटाच्या शूटिंगला यामुळे अडथळा आला नाही. आमिरने काही औषधांच्या मदतीने पुन्हा शूटिंग सुरू केले.
'लालसिंग चड्ढा' टीम शूटिंगसाठी सर्व आवश्यक खबरदारी आणि सुरक्षा उपायांचा वापर करीत आहे. अगोदरच्या एका धावण्याच्या सीन्सचा भाग शूट होत असताना शरीरावर ताण आल्याने आमिरवर हा प्रसंग ओढवला.
मिस्टर परफेक्शनिस्ट म्हणून ओळखला जाणारा आमिर आपले सीन्स परफेक्ट करण्यासाठी खूप मेहनत घेत असतो. 'लालसिंग चड्ढा' हा चित्रपट टॉम हॅन्क्सच्या फॉरेस्ट गंप या चित्रपटाची प्रेरणा आहे.
अद्वैत चंदन दिग्दर्शित 'लालसिंग चड्ढा' या चित्रपटात करिना कपूर खान आणि आमिर खान मुख्य भूमिकेत आहेत.
