नवी दिल्ली - हिरो इलेक्ट्रॉनिक्सने च्या कंझ्युमर टेक्नॉलॉजी ब्रँड क्युबोने शुक्रवारी जाहीर केले की ते नवीन उत्पादन - क्यूबो स्मार्ट डॅश कॅम ( Cubo Smart Dash Cam ) लाँच करून ऑटो-टेक क्षेत्रात प्रवेश करत आहे. 4,290 रुपये किमतीचा, सर्व-नवीन क्युबो डॅश कॅम आयओएस ( iOS ) आणि अँड्रॉईड ( Android ) दोन्ही प्लॅटफॉर्मवर युजर्ससाठी अनुकूल मोबाइल ऍप्लिकेशनसह येतो आणि विविध ऑनलाइन आणि ऑफलाइन चॅनेलवर उपलब्ध आहे.
हिरो इलेक्ट्रॉनिक्सचे उपाध्यक्ष उज्ज्वल मुंजाल यांनी एका निवेदनात म्हटले आहे की, “ग्राहक-केंद्रित कनेक्टेड उपकरणे तयार करण्याच्या आमच्या व्यापक दृष्टीकोनाच्या अनुषंगाने, क्यूबोने गेल्या दोन वर्षांत खूप मोठा पल्ला गाठला आहे. आज, क्यूबोकडे कनेक्टेड स्मार्ट होम उत्पादनांची विस्तृत श्रेणी आहे जी भारतीय ग्राहकांचे जीवन समृद्ध करत आहे.
मुंजाल म्हणाले, "आमच्या विद्यमान उत्पादन पोर्टफोलिओमध्ये ऑटो टेक उत्पादनांचा समावेश केल्याने, आम्ही दहा लाख घरांपर्यंत पोहोचण्याच्या आमच्या आकांक्षेच्या एक पाऊल जवळ आलो आहोत." कंपनीने सांगितले की, डॅश कॅम रेकॉर्डिंग आणि लाइव्ह व्ह्यूसाठी 1080p @ 30fps HD व्हिडिओ गुणवत्तेसह सुसज्ज आहे. कंपनीने म्हटले आहे की आर्टिफिशियल इंटेलिजेंस (AI) आधारित अलर्ट्स हे सुनिश्चित करतात की महत्त्वाचे काहीही चुकले नाही.
हेही वाचा - भारतात रील्ससाठी इंस्टाग्रामचे नवीन '1 मिनिट म्युझिक' ट्रॅक लॉन्च
