नवी दिल्ली : व्हॅक्यूम क्लीनर, एअर प्युरिफायर आणि केस स्टाइलिंग मधील ब्रिटीश टेक ब्रँड 'डायसन' ने 'डायसन झोन' नावाचे उत्पादन जाहीर केले आहे. हे डिव्हाईस हेडफोन्स तसेच एअर प्युरिफायर म्हणून काम करते. यात अंगभूत वायु-शुद्धीकरण तंत्रज्ञानासह प्रगत हेडफोन आणले आहेत. या दूरदर्शी उत्पादनासह, कंपनी, हवेसह, ध्वनी प्रदूषणाचा सामना करण्यासाठी देखील योजना आखत आहे.
दोन दिवसांपूर्वी डायसनने या उपकरणांचे व्हिज्युअल जारी केले. यात संपर्क-मुक्त व्हिझर आहे जो नाक आणि तोंडावर धूळ, परागकण, बॅक्टेरिया आणि अगदी शहरी वायू कॅप्चर करतो. हे शुद्धीकरण प्रक्रियेस मदत करतात. यात झोनची फिल्टरेशन प्रणाली विविध स्तरांच्या परिश्रमासाठी एकाधिक सेटिंग्ज देण्यात आले आहेत. यात तुम्ही कोणतीही क्रिया करत असल्यास याची नोंदणी करते.
1 एप्रिलला लाँच केले उत्पादन
हे उत्पादन 1 एप्रिल रोजी लाँच करण्यात आले होते. यात यूजर्सना वाटले की, एप्रिल फूल आहे. कंपनीने अशा अंदाजांचे खंडन केले. "हा एप्रिल फूलचा विनोद नाही," कंपनीने आपल्या अधिकृत निवेदनात असेही म्हटले आहे की, "30 वर्षांच्या एअर फिल्टरेशनच्या कौशल्याने एक वेअरेबल, हाय-एंड ऑडिओ डिव्हाइस बनवले आहे. तुमच्या नाक आणि तोंडाला सतत शुद्ध हवा पुरवण्यासाठी कॉन्टॅक्ट-फ्री व्हिझरची सुविधा देते. झोन 99 टक्क्यांपर्यंत कण प्रदूषण फिल्टर करू शकतो.
हेही वाचा - Google adds : गुगल अॅड करणार आपल्या सर्चमध्ये बदल; वैयक्तिक माहिती हटवणार
