बंगळुरू- आभासी सहाय्यक (व्हर्च्युअल असिस्टंट) असलेल्या अ‌ॅ‌मेझॉन अलेक्साने भारतात तीन वर्षे पूर्ण केली आहेत. अलेक्साला बोलून इंटरनेटवर सर्च करण्याच्या पद्धतीत बदल होताना गमतीशीर माहिती समोर आली आहे. भारतीय ग्राहकांनी २०१९ मध्ये सरासरी रोज १९ हजार वेळा अलेक्साला 'आय लव्ह यू' म्हटले आहे.
अलेक्साचे ५० टक्के ग्राहक हे महानगरांमधील आहेत. अ‌ॅमेझोन इंडियाचे (अलेक्सा) भारतीय प्रमुख पुनीश कुमार म्हणाले की, लिव्हिंग रुममध्ये अलेक्सा इको डिव्हाईसचा वापर करण्यात येतो. देशातील विविध भागांत आणि वयोगटात अलेक्साचा वापर होत असल्याचे पाहणे हा ह्रदयस्पर्शी वाटते. अलेक्साचा अनेकजणांनी त्यांच्या दैनंदिन जीवनात स्वीकार केला आहे.
हेही वाचा-पीएमसी बँकेत गुंतवणुकीसाठी मिळाले तीन प्रस्ताव-आरबीआय गव्हर्नर
१५ फेब्रुवारीला अलेक्साच्या खरेदीवर मिळणार सवलत-
पुनीश कुमार म्हणाले की, अलेक्साच्या पहिल्या दिवसांपासून आम्ही ग्राहकांकडून शिकलो आहोत. ग्राहकांना सातत्याने नवीन वैशिष्ट्ये देत आहोत. स्थानिक महत्त्वाच्या मुद्द्यांना अधिक समजून घेत सुधारणा करत आहोत. अलेक्सा हा डिजीटल असिस्टंट परवडणाऱ्या दरात कमी करण्यात येणार आहे. ग्राहकांना १५ फेब्रुवारी मध्यरात्रीपासून २४ तासांसाठी अ‌ॅमेझॉनवरून अलेक्साच्या खरेदीवर सवलत मिळणार आहे. तसेच काही भारतीय इलेक्ट्रॉनिक इलेक्ट्रॉनिकसच्या खरेदीवर सवलत मिळणार असल्याचे त्यांनी सांगितले. देशातील सहा स्मार्टफोनमध्ये इन बिल्ट अलेक्सा देण्यात येत आहे.
हेही वाचा-केंद्र सरकार आणणार नवे ई-कॉमर्स धोरण
