Iran to buy Russias Sukhoi Jets: इराण- रशियात मोठा लढाऊ विमान सौदा, सुखोई एसयू-३५ जेट्सची करणार खरेदी

इराणच्या अधिकृत वृत्तसंस्थेने सांगितले की, इराण आणि रशिया यांच्यात सुखोई एसयू-३५ लढाऊ विमानांचा करार पूर्ण झाला आहे. मात्र, रशियाकडून याला दुजोरा अद्यापपर्यंत मिळालेला नाही.

तेहरान (इराण) : इराण आणि रशिया यांच्यात सुखोई एसयू-35 लढाऊ विमानाबाबत करार झाला आहे. जेट खरेदीचा करार अंतिम झाला आहे. टाईम्स ऑफ इस्रायलने वृत्त दिले आहे की, या करारामुळे दोन्ही देशांमधील संरक्षण सहकार्य आणखी वाढेल. संयुक्त राष्ट्रातील इराणच्या मिशनने सांगितले की, मॉस्को इराणला लढाऊ विमाने देण्यास तयार आहे. त्यात असे म्हटले आहे की, सुखोई एसयू-35 लढाऊ विमानांना तांत्रिकदृष्ट्या इराणच्या विमान वाहतूक तज्ञांनी मान्यता दिली आणि त्यानंतर इराणने ती विमाने खरेदी करण्याचा करार अंतिम केला.

तथापि, रशियाकडून या कराराची त्वरित पुष्टी झाली नाही. इराणच्या अधिकृत वृत्तसंस्थेने एका अहवालात म्हटले आहे की, संयुक्त राष्ट्र ठराव 2231 नुसार पारंपारिक शस्त्रे खरेदी करण्यावर इराणवर घातलेली बंदी ऑक्टोबर 2020 मध्ये संपली आहे. यानंतर रशियाने इराणला शस्त्रे विकण्यास तयार असल्याचे जाहीर केले होते. सुखोई ३५ लढाऊ विमाने तांत्रिकदृष्ट्या इराणला मान्य असल्याचे एजन्सीने म्हटले आहे. इराणने गेल्या वर्षभरात मॉस्कोशी संरक्षणासह विविध क्षेत्रात मजबूत संबंध प्रस्थापित केले आहेत.

विशेष म्हणजे, युक्रेनने रशियावर 'कामिकाझे' ड्रोन वापरल्याचा आरोप केला होता. तसेच हे ड्रोन रशियाला इराणकडून मिळाल्याचेही सांगण्यात आले. इराणने हे आरोप फेटाळले असले तरी. युनायटेड स्टेट्समध्ये पेंटागॉनचे प्रवक्ते जॉन किर्बी यांनी गेल्या वर्षी इराण आणि रशिया यांच्यातील वाढत्या लष्करी सहकार्यावर चिंता व्यक्त केली होती. रशिया आपली लढाऊ विमाने इराणला विकू शकतो, असे ते म्हणाले होते. या वर्षाच्या सुरुवातीला आलेल्या वृत्तानुसार, इराणने रशियाच्या अत्याधुनिक जेट विमानांसह हवाई संरक्षण प्रणाली, क्षेपणास्त्र प्रणाली आणि हेलिकॉप्टरसह इतर लष्करी हार्डवेअरचा करार केला आहे.

इराण रशियाकडून 24 अत्याधुनिक जेट विमाने खरेदी करणार असल्याचे या अहवालात सांगण्यात आले. इराणकडे सध्या सोव्हिएत काळातील सुखोई लढाऊ विमाने आणि रशियन मिग आहेत. तसेच F-7 सह काही चिनी विमाने आहेत. 1979 च्या इस्लामिक क्रांतीपूर्वीची काही अमेरिकन F-4 आणि F-5 लढाऊ विमाने देखील त्याच्या ताफ्यचा भाग आहेत. तत्कालीन राष्ट्राध्यक्ष डोनाल्ड ट्रम्प यांच्या नेतृत्वाखाली इराणने अणु करारातून एकतर्फी माघार घेतल्याच्या एका वर्षानंतर अमेरिकेने 2019 मध्ये इराणवर पुन्हा निर्बंध लादण्यास सुरुवात केली.