नवी दिल्ली : मॉस्कोहून गोव्याला येणाऱ्या फ्लाइटमध्ये बॉम्ब असल्याची धमकी मिळाली आहे. धमकी मिळाल्यानंतर विमान उझबेकिस्तानच्या विमानतळावर उतरवण्यात आले आहे. युरोप, आशिया, आफ्रिका आणि मध्य अमेरिकेतील मोठ्या ठिकाणांना विमान सेवा पुरवणाऱ्या अझूर एअरच्या रशियन चार्टर विमानात एकूण २३८ प्रवासी आहेत. या प्रवाशांमध्ये 2 अर्भक आणि 7 क्रू मेंबर्स यांचा समावेश आहे. विमानाचे आपत्कालीन लँडिंग करण्यात आले आहे.
विमानतळाच्या सूत्रांनी याला दुजोरा दिला आहे. विमानतळाच्या सूत्रांनी दिलेल्या माहितीनुसार, रशियाच्या पेर्म शहरापासून दक्षिण-पश्चिम 16 किमी अंतरावर असलेल्या बोलशोय सॅविनो येथील पर्म आंतरराष्ट्रीय विमानतळावरून विमानाने उड्डाण केले. रशियाची राजधानी मॉस्को येथून 240 प्रवाशांना घेऊन गोव्याला जाणारे विमान शनिवारी पहाटे बॉम्बच्या धमकीनंतर उझबेकिस्तानकडे वळवण्यात आले. एका वरिष्ठ पोलीस अधिकाऱ्याने ही माहिती दिली.
ते म्हणाले की, अझूर एअरद्वारे संचालित फ्लाइट क्रमांक AZV 2463, सकाळी 4.15 वाजता दक्षिण गोव्यातील दाबोलिम विमानतळावर उतरणार होते, परंतु भारतीय हवाई हद्दीत प्रवेश करण्यापूर्वी ते उझबेकिस्तानकडे वळवण्यात आले. डाबोलिम विमानतळाच्या संचालकांना 12.30 वाजता एक ईमेल आला होता. ज्यामध्ये विमानात बॉम्ब असल्याचे नमूद करण्यात आले होते. यानंतर विमान उझबेकिस्तानच्या दिशेने वळवण्यात आले. दोन आठवड्यापूर्वी बॉम्बच्या धमकीनंतर मॉस्कोहून गोव्याला जाणाऱ्या विमानाचे गुजरातच्या जामनगर विमानतळावर आपत्कालीन लँडिंग झाल्यानंतर ही दुसरी घटना घडली आहे, असे त्यांनी सांगितले.
बॉम्बची धमकी गोव्यातील दाबोलिम विमानतळ संचालकांना 12:30 वाजता मिळाली होती. विमान भारतीय हवाई क्षेत्रात प्रवेश करण्यापूर्वी वळवण्यात आले. विमानाने रशियाच्या बोलशोये सव्हिनो येथील पर्म आंतरराष्ट्रीय विमानतळावरून उड्डाण केले आणि भारतीय समुद्रकिनारी गोव्याच्या दक्षिणेला सकाळी 4:15 वाजता स्थानिक पातळीवर उतरणार होते. नॅशनल सिक्युरिटी गार्ड, पोलीस आणि बॉम्ब निकामी पथकाने विमानाचा आणि सर्व प्रवाशांचा तासभर शोध घेतल्यानंतर ही धमकी फसवी असल्याचे समजले.
