झेंगझो (चीन ) : चीनमध्ये बँक ऑफ चायनाच्या हेनान शाखेत मोठे आंदोलन सुरु झाले ( Zhengzhou Peoples Bank of China ) आहे. बँकेतील घोटाळ्याच्या विरोधात नागरिक मोठ्या संख्येने आंदोलन करत ( Henan bank protest ) असून, आंदोलकांना रोखण्यासाठी चीन सरकारने रस्त्यावर रणगाडे तैनात केले ( PLAs tanks in Henan streets ) आहेत. चायनीज पीपल्स लिबरेशन आर्मीचे रणगाडे (पीएलए) बँकांचे संरक्षण करण्यासाठी रस्त्यावर उतरल्याचा दावा करणारे वृत्त स्थानिक माध्यमांनी दिले आहे.
बँक ऑफ चायनाच्या हेनान शाखेत मोठा घोटाळा झाला असून, खातेदारांचे पैसे गोठवण्यात आले आहेत. बँकेतील रक्कम काढता येत नसल्याने आक्रोश निर्माण झाला आहे. यापूर्वीही चीनमध्ये असेच आंदोलन सरकारने चिरडून टाकले होते. 4 जून 1989 रोजी तियानमेन स्क्वेअर हत्याकांडाची ती भयंकर आठवण आहे. जेव्हा चिनी नेत्यांनी बीजिंगचा तियानमेन स्क्वेअर येथे आंदोलन थांबवण्यासाठी रणगाडे आणि जोरदार सशस्त्र सैन्य पाठवले होते. तेथे लोकशाही आणि अधिक स्वातंत्र्याच्या मागणीसाठी विद्यार्थी आंदोलक आंदोलन करत होते. नि:शस्त्र आंदोलक हजारोंच्या संख्येने मारले गेले होते.
चीनच्या हेनान गावांमधील ठेवीदारांना त्यांचे गोठवलेले पैसे 15 जुलै रोजी पहिल्या देय रकमेसह बॅचमध्ये परत मिळतील अशी आश्वासने असूनही, मोजक्याच ठेवीदारांना पेमेंट मिळाले आहे. ज्यामुळे बँकांकडे काही पैसे शिल्लक आहेत का असा गंभीर प्रश्न निर्माण झाला आहे. 10 जुलै रोजी, 1,000 हून अधिक ठेवीदार देशाच्या मध्यवर्ती बँकेच्या, पीपल्स बँक ऑफ चायना च्या झेंगझोउ शाखेच्या बाहेर जमले. त्यांनी त्यांचा आतापर्यंतचा सर्वात मोठा निषेध सुरू केला आहे.
सहा अब्ज युआनचा घोटाळा : एप्रिलमध्ये साऊथ चायना मॉर्निंग पोस्टमध्ये एक लेख प्रसिद्ध झाला होता. यामध्ये चिनी बँकांमधील घोटाळ्यांबाबत सांगण्यात आले. चीनच्या बँकिंग प्रणालीतून 40 अब्ज युआन किंवा सुमारे US $6 अब्ज गायब झाल्याचा दावा करण्यात आला होता. यानंतर, हेनान आणि अनहुई प्रांतातील बँकांनी लोकांना बँक खात्यांमध्ये प्रवेश करण्यापासून रोखण्यात आले.
हेही वाचा : DHFL Scam : अंडरवर्ल्डशी संबंध असलेला देशातील सर्वात मोठा DHFL बँक घोटाळा
