हैद्राबाद : 'पठाण'चे दिग्दर्शक सिद्धार्थ आनंद यांनी यशराज फिल्म्सच्या प्रॉडक्शन बॅनरने आयोजित केलेल्या कार्यक्रमात अनेक गमतीदार गोष्टी सांगितल्या. चित्रपटाच्या प्रदर्शनापूर्वीच्या वातावरणामुळे आम्ही खूप टेन्शनमध्ये होतो. चित्रपटाला खूप विरोध असतानाही, त्याने जी धूम माजवली आहे, ती कौतुकास्पद आहे. आम्हाला जाणवले की, शाहरूखला दिग्दर्शित करणे ही एक मोठी जबाबदारी आहे आणि 'पठाण' जगभरातून मिळवत असलेल्या प्रेमामुळे त्याच्यासहीत आम्हालाही चांगले वाटत आहे.
चित्रपट जर अयशस्वी झाला असता तर... : मुख्य कलाकार शाहरुख खान, दीपिका पदुकोण आणि जॉन अब्राहमदेखील उपस्थित असलेल्या कार्यक्रमात, सिद्धार्थ म्हणाला की, जर SRK असणारा चित्रपट अयशस्वी झाला तर ते पूर्णपणे दिग्दर्शकाचे अपयश असणार आहे. कारण सुपरस्टारने स्वतःला चित्रपटाच्या दृष्टीकोनातून पूर्णपणे समर्पित केले आहे. सिद्धार्थ पुढे म्हणाले की, त्याने ज्या टास्कसाठी साइनअप केले, ते चित्रपट फ्लोरवर जाण्यापूर्वीच दोन महिने अगोदर पूर्ण झाले.
पठाणच्या यशाबद्दल सर्वांचा आभारी : पठाणच्या यशाबद्दल बोलताना सिद्धार्थ म्हणाला की ज्यांनी या चित्रपटावर प्रेमाचा वर्षाव केला त्या सर्वांचा तो आभारी आहे. त्याने रिलीजपूर्वी पठाणच्या सभोवतालच्या वादावरही थोडक्यात स्पर्श केला आणि कबूल केले की चित्रपटाच्या रिलीजपूर्वी वातावरण तणावपूर्ण होते आणि तो खूप घाबरला होता.
शाहरुखने चाहत्यांचे मानले आभार : सोमवारी मुंबईत निर्मात्यांनी आयोजित केलेल्या पठाणच्या यशाच्या कार्यक्रमादरम्यान पत्रकार परिषदेत संवाद साधताना, शाहरुखने चित्रपटाभोवतीच्या वादावर अनेक किस्से सांगितले. त्यांनी स्वतःची आणि कार्यक्रमात उपस्थित असलेले त्यांचे दोन सहकारी कलाकार, दीपिका पदुकोण आणि जॉन अब्राहम यांची तुलना मनमोहन देसाई यांच्या 1977 मधील क्लासिक चित्रपट 'अमर अकबर अँथनी' मधील प्रतिष्ठित पात्रांशी केली. SRK वरवर पाहता भारतातील एकता आणि सांस्कृतिक विविधता ठळक करण्याचा प्रयत्न करत होता.
पत्रकार परिषदेत खुलासा : मनोरंजनाच्या नावाखाली सर्व काही केले जाते असे नाही. प्रत्येक चित्रपट निर्मात्याची एवढीच इच्छा असते की, लोकांचे चित्रपटाद्वारे मनोरंजन होईल, त्यांना प्रेम, दया, शांती या गोष्टी यातून मिळाव्यात हेच प्रत्येक चित्रपटाच्या निर्मितीमध्ये उद्देश असतो. शाहरुखने चित्रपटांमध्ये वेगवेगळ्या भूमिका साकारण्याबद्दल बोलले आणि लोकांना विनंती केली की चित्रपट हे मनोरंजनासाठी असतात आणि त्यातून तेच घेतले पाहिजे म्हणून गोष्टी फार गांभीर्याने घेऊ नका. पठाणच्या रिलीजपूर्वी शाहरुख स्टारर चित्रपटावर बहिष्कार टाकण्याची मोहीम राबवण्यात आली होती आणि सोशल मीडियावर त्याच्याविरोधात काही आक्षेपार्ह शब्द वापरण्यात आले होते.
