Palak Tiwari And Ibrahim ali Khan : पलक तिवारी आणि इब्राहिम अली खान डिनर डेटवर पुन्हा एकत्र

पलक तिवारी आणि इब्राहिम अली खान पुन्हा एकदा चर्चेत आले आहेत. पापाराझी इंस्टाग्राम अकाऊंटद्वारे एक व्हिडिओ शेअर करण्यात आला आहे. या व्हिडिओमध्ये पलक आणि इब्राहिम खूप खास लूकमध्ये दिसत आहे.

मुंबई : प्रसिद्ध टीव्ही अभिनेत्री श्वेता तिवारीची मुलगी पलक तिवारी ही सैफ अली खानचा मुलगा इब्राहिम अली खानसोबतच्या नात्यामुळे खूप चर्चेत असते. पलक आणि इब्राहिम दोघांनीही त्यांच्या नात्याबद्दल कधीच कबूली दिलेली नाही. अनेकदा पलक आणि इब्राहिम हे वेगवेगळ्या पार्टीत एकत्र दिसतात. पापाराझी इंस्टाग्राम अकाऊंटद्वारे एक व्हिडिओ शेअर केला आहे. इब्राहिम आणि पलक मुंबईत डिनर डेटवर स्पॉट झाले. यावेळी पलक ऑफ-शोल्डर मिनी ड्रेसमध्ये होती. या लूकमध्ये ती खूपच हॉट दिसत होती.

पलक तिवारी आणि इब्राहिम अली खान आले चर्चेत : या प्रसंगी पलक तिवारीने केसांची पोनीटेल बांधली होती. लूकला आणखी खास बनविण्यासाठी तिने यावर उंच टाचाचे बुट घातले होते. यासोबत तिने निळ्या रंगाची पर्स देखील घेतली होती. पलकची नजर पापाराझीकडे जाताच तिने पोझ दिली. तसेच दुसरीकडे, इब्राहिमने पांढरा टी-शर्ट आणि राखडी रंगाचा डेनिम्स परिधान केला होता. या लूकमध्ये तो खूप देखणा दिसत होता. अलीकडेच पलक ही 'किसी का भाई किसी की जान' या चित्रपट सलमान खानसोबत दिसली होती. या चित्रपटाद्वारे तिने बॉलिवूडमध्ये पदार्पण केले.

पलक तिवारीचा देसी लूक : दरम्यान हे कथित कपल मुंबईत आलिया कश्यप आणि शेन ग्रेगोयर यांच्या एंगेजमेंट पार्टीत सहभागी झाले होते. या कार्यक्रमातील पलक आणि इब्राहिमचे फोटो सोशल मीडियावर व्हायरल झाले होते. या कार्यक्रमात पलक पूर्णपणे देसी लूकमध्ये दिसली होती. तिने सिल्व्हर डिझाईन असलेली फिकट गुलाबी रंगाची साडी नेसली होती. यासोबत तिने स्लीव्हलेस ब्लाउजसह सोनेरी कानतले आणि बांगड्या घातल्या होत्या. या लूकला आणखी खास बनविण्यासाठी तिने केस मोकळे सोडले होते. याशिवाय या कार्यक्रमात इब्राहिमने काळ्या रंगाचा ब्लेझर आणि पांढरी पँट घातली होती. अनेकदा हे कथित कपल डिनर डेटवर जाताना दिसले आहे.

हेही वाचा :