मुंबई - बॉलिवूड स्टार विकी कौशलने ( Vicky Kaushal ) मंगळवारी सांगितले की त्याने फिल्ड मार्शल सॅम माणेकशॉवरील ( Sam Manekshaw Biopic ) बायोपिक असलेल्या सॅम बहादूर या त्याच्या बहुप्रतिक्षित चित्रपटाची तयारी सुरू केली आहे. राष्ट्रीय पुरस्कार विजेता मेघना गुलजार दिग्दर्शित ( directed by Meghna Gulzar ) आणि रॉनी स्क्रूवाला ( Ronnie Screwvala ) यांच्या आरएसव्हीपी मूव्हीज निर्मित चरित्रात्मक चित्रपटात युद्ध नायकाची भूमिका साकारणार आहे.
विकी कौशलने इन्स्टाग्रामवर हे अपडेट फॅन्स आणि फॉलोअर्ससोबत शेअर केले आहेत. "हे घ्या... तयारी सुरू झाली! #सॅम बहादूर @आरएसव्हीपी मूव्हीज ," असे कॅप्शन विकीने पोस्टला दिले आहे. १९७१ च्या भारत-पाकिस्तान युद्धादरम्यान माणेकशॉ हे भारतीय लष्कराचे प्रमुख होते आणि फील्ड मार्शल पदावर बढती मिळालेले पहिले भारतीय सैन्य अधिकारी होते.
मेघना गुलजार आणि विकी कौशल यांच्या 2017 च्या ब्लॉकबस्टर 'राझी' या चित्रपटानंतर नंतर 'सॅम बहादूर' हा दोघांचा दुसरा एकत्रित चित्रपट असेल. राझी लिहिणाऱ्या भवानी अय्यरने गुलजार आणि शंतनू श्रीवास्तव यांच्यासोबत आगामी चरित्रात्मक चित्रपटाची पटकथा लिहिली आहे.
या चित्रपटात माणेकशॉ यांच्या पत्नी सिल्लूची भूमिका सान्या मल्होत्रा आणि माजी पंतप्रधान इंदिरा गांधी यांच्या भूमिकेत फातिमा सना शेख दिसणार आहे. निर्मात्यांनी अद्याप सॅम बहादूरच्या रिलीजची तारीख जाहीर केलेली नाही.
हेही वाचा - 'कॉफी विथ करण'च्या ७ व्या सिझनची 'ओटीटी' रिलीज तारीख ठरली
