मुंबई - बॉलिवूडची 'दबंग' लेडी सोनाक्षी सिन्हा 'भुज- द प्राइड ऑफ इंडिया' या चित्रपटानंतर पुन्हा पडद्यावर पुनरागमन करत आहे. अभिनेत्रीचा नवीन चित्रपट 'निकिता रॉय - अँड द बुक ऑफ डार्कनेस'चा फर्स्ट लूक रिलीज झाला आहे. या चित्रपटाचे पोस्टर अभिनेत्रीने सोशल मीडियावर शेअर केले आहे. या चित्रपटाचे दिग्दर्शन तिचा भाऊ कुश एस सिन्हा करत असल्याचे सोनाक्षीने सांगितले.
सोनाक्षी सिन्हाने तिच्या इंस्टाग्राम अकाऊंटवर 'निकिता रॉय - अँड द बुक ऑफ डार्कनेस' या चित्रपटाचा फर्स्ट लूक जारी करताना सांगितले की, तिचा भाऊ कुश एस सिंग या चित्रपटाचे दिग्दर्शन करणार आहे. दिग्दर्शक म्हणून कुशचा हा पहिलाच चित्रपट आहे. या चित्रपटात सोनाक्षी मुख्य भूमिकेत दिसणार असून परेश रावलही महत्त्वाच्या भूमिकेत दिसणार आहेत.
- " class="align-text-top noRightClick twitterSection" data="
">
या चित्रपटात सोनाक्षी स्वतः निकिता रॉयची भूमिका साकारणार आहे. या चित्रपटाचे शूटिंग लवकरच सुरू होणार असल्याचे सोनाक्षीने सांगितले आहे. सोनाक्षी सिन्हा 2021 मध्ये रिलीज झालेल्या अजय देवगणच्या 'भुज - द प्राइड ऑफ इंडिया' या चित्रपटात दिसली होती.
कुशबद्दल बोलायचे झाले तर तो अभिनेता शत्रुघ्न सिन्हा यांचा धाकटा मुलगा आहे. आता तो 39 वर्षांचा आहे. तो जाहिरात दिग्दर्शक असून त्याने सहाय्यक दिग्दर्शक म्हणूनही काम केले आहे. काही काळापूर्वी सोनाक्षी सिन्हाचे नाव अभिनेता झहीर इक्बालसोबत चर्चेत आले होते. दोघांच्या एंगेजमेंटच्याही चर्चा सुरू झाल्या होत्या.
हेही वाचा - चुंबन प्रकरणी सुटकेच्याविरोधातील याचिका फेटाळण्याची शिल्पा शेट्टीने केली विनंती
