मुंबई - रणबीर कपूर स्टारर 'शमशेरा' चित्रपटाचा टीझर बुधवारी (२२ जून) रिलीज झाला आहे. रणबीर कपूर आणि संजय दत्तची रोमांच वाढवणारी व्यक्तिरेखा टीझरमध्ये दिसत आहे. यापूर्वी यशराज फिल्म्सने या चित्रपटाचे अधिकृत पोस्टर रिलीज केले होते. या चित्रपटातील रणबीर कपूरचा फर्स्ट लूक पाहून चाहत्यांमध्ये प्रचंड उत्साह संचारला होता. रणबीर त्याच्या नव्या लूकमध्ये जबरदस्त भूमिकेत दिसला होता. हा चित्रपट यावर्षी 22 जुलैला रिलीज होणार आहे.
- " class="align-text-top noRightClick twitterSection" data="">
1.21 मिनिटांच्या या टीझरची सुरुवात संजय दत्तच्या जबरदस्त भूमिकेने होते. पुढच्याच क्षणी रणबीर कपूर चित्रपटात त्याचा शत्रू संजय दत्तकडे जाताना दिसतो. टीझरच्या शेवटी, चित्रपटाचा ट्रेलर 24 जून रोजी प्रदर्शित होणार असल्याचे सांगण्यात आले आहे.
या चित्रपटाचे पोस्टर रणबीर कपूरची पत्नी आलिया भट्ट आणि अभिनेता संजय दत्तनेही शेअर केले होते. पोस्टरमधील रणबीरच्या लूकवरून स्पष्ट होते की त्याने त्याच्या चित्रपटासाठी बरीच तयारी केली आहे. याशिवाय 'ब्रह्मास्त्र' चित्रपटाच्या ट्रेलरमध्ये रणबीर कपूरची भूमिकाही पाहायला मिळाली होती.
लॉकडाऊनमुळे लटकला होता चित्रपट - रणबीर कपूरचे चित्रपट चार वर्षांनंतर कमबॅक करत आहेत. या वर्षी त्याचा 'ब्रह्मास्त्र' (9 सप्टेंबर 2022) हा चित्रपटही प्रदर्शित होणार आहे, पण त्याआधी रणबीर कपूर या वर्षी 22 जुलैला रिलीज होणाऱ्या 'शमशेरा' चित्रपटात जबरदस्त भूमिकेत दिसणार आहे. आता चाहते रणबीरच्या या दोन चित्रपटांची आतुरतेने वाट पाहत आहेत.
याआधी रणबीर कपूर 'संजू' चित्रपटात दिसला होता. हा चित्रपट अभिनेता संजय दत्तचा बायोपिक होता, ज्याने बॉक्स ऑफिसवर चांगली कमाई केली होती. 'शमशेरा' चित्रपटात रणबीर कपूरसोबत संजय दत्तही महत्त्वाच्या भूमिकेत दिसणार आहे. 'शमशेरा' चित्रपटाचे दिग्दर्शन करण मल्होत्रा करत आहे. या चित्रपटात रणबीर कपूरसोबत सुंदर अभिनेत्री वाणी कपूर दिसणार आहे.
हेही वाचा - थलपथी विजय वाढदिवस : 100 कोटींहून अधिक वार्षिक कमाई करणार साऊथ सुपरस्टार
