हैदराबाद : बॉलिवूड सुपरस्टार संजय दत्त सध्या एकामागून एक प्रोजेक्टचा भाग बनत आहे. काही काळापूर्वी अशी बातमी आली होती की, संजय शाहरुख खानसोबत 'जवान' चित्रपटात दिसणार आहे. यानंतर 'हेरा फेरी 3' या चित्रपटातही त्याची एन्ट्री झाल्याचे बोलले जात होते. आता बॉलिवूडच्या खलनायकानेही याला दुजोरा दिला आहे.
संजय दत्त 'हेरा फेरी 3' चा भाग : संजय दत्तने पुष्टी केली आहे की तो अक्षय कुमार आणि सुनील शेट्टी स्टारर 'हेरा फेरी 3' चा भाग आहे. त्याने त्याच्या व्यक्तिरेखेबद्दल तपशील शेअर केला. संजयने माध्यमांशी संवाद साधताना खुलासा केला. मुलाखतीदरम्यान त्याला विचारण्यात आले की, 'हेरा फेरी 3' या चित्रपटात तो अंध डॉनची भूमिका करत आहे का? यावर संजय दत्तने 'होय' असे उत्तर दिले. सूत्रांनी दिलेल्या माहितीनुसार या चित्रपटात संजय दत्तची भूमिका खूपच खास असणार आहे. हे पात्र 'वेलकम' चित्रपटातील फिरोज खानच्या आरडीएक्स या पात्रासारखे असेल. 'हेरा फेरी 3'चे शूटिंग या वर्षी सुरू होणार आहे. या चित्रपटाचे चित्रीकरण लॉस एंजेलिस दुबई आणि अबुधाबी येथे होणार आहे.
मोठ्या भूमिकेत दिसणार : काही काळापूर्वी संजय दत्त एक स्टोअर लॉन्च करण्यासाठी आला होता. येथे झालेल्या पत्रकार परिषदेत तो म्हणाला, होय, मी चित्रपट करत आहे. संपूर्ण टीमसोबत शूटिंग करणे मजेशीर असणार आहे. ही एक उत्तम फ्रँचायझी आहे आणि त्याचा एक भाग बनून मला आनंद होत आहे. संजय दत्त व्यतिरिक्त अभिनेता कार्तिक आर्यन देखील 'हेरा फेरी 3' चा भाग असणार आहे. गेल्या वर्षीच त्यांची भूमिका निश्चित झाली होती. अक्षय कुमारने यापूर्वी सांगितले होते की तो या चित्रपटात काम करत नाही. मात्र नंतर कळले की अक्षय कुमार या चित्रपटात मोठ्या भूमिकेत दिसणार आहे. 'हेरा फेरी 3' व्यतिरिक्त संजय दत्त 'जवान' चित्रपटातही दिसणार आहे. अलीकडेच एक बातमी आली होती की, संजय दिग्दर्शक अंतलीच्या चित्रपटात कॅमिओ करताना दिसणार आहे. मात्र या वृत्ताला अभिनेता आणि दिग्दर्शक या दोघांकडूनही दुजोरा मिळालेला नाही.
हेही वाचा : Ghar Banduk Biryani Trailer : नागराज सयाजीचा जंगलात धमाका, आकाश ठोसरच्याही हाती बंदुक
