मुंबई - ग्लोबल स्टार प्रियांका चोप्रा नुकतीच तीन वर्षांनंतर अमेरिकेतून तिच्या माहेरी आली हेती. येथे अभिनेत्री 10 दिवस मुक्कामी राहिली. यादरम्यान अभिनेत्रीने देसी फूड चाखले तसेच तिचे कामही पूर्ण केले. याशिवाय प्रियांका चोप्राने उत्तर प्रदेशची राजधानी लखनऊलाही भेट दिली, जिथे ती युनिसेफच्या अंतर्गत एका मिशनवर गेली होती. आता प्रियांका चोप्रा तिच्या सासरच्या अमेरिकेतील घरी परतली आहे आणि तिथून तिने पती निक जोनास आणि मुलगी मालती मेरी चोप्रा जोनाससोबत एक सुंदर फोटो शेअर केला आहे.
प्रियांकाने फॅमिली फोटो शेअर केला - प्रियांका चोप्राने सोशल मीडियावर शेअर केलेल्या नवीन फोटोमध्ये ती पती निक जोनाससोबत जमिनीवर पडली आहे. प्रियांकाने मुलगी मालतीला हातात धरले आहे आणि निक पत्नी आणि मुलीकडे पाहून हसत आहे. हा सुंदर फॅमिली फोटो शेअर करत प्रियांकाने 'होम' असे लिहिले आहे. म्हणजेच, ती लॉस एंजेलिसमध्ये तिच्या घरी (सासरी) आहे.
- " class="align-text-top noRightClick twitterSection" data="
">
प्रियांकाच्या या सुंदर फॅमिली फोटोला तिचे चाहते प्रचंड लाइक करत आहेत. अवघ्या 30 मिनिटांत या फोटोला 3 लाखांहून अधिक लाईक्स मिळाले आहेत. चाहत्यांसोबतच सेलेब्स देखील या फोटोवर लाइक बटण दाबत आहेत.
प्रियांकाची वर्कफ्रंट - प्रियांका चोप्राच्या वर्कफ्रंटबद्दल सांगायचे तर, तिने बॉलिवूडमध्ये 'जी ले जरा' चित्रपटाला ग्रीन सिग्नल दिला आहे. या चित्रपटात तिच्यासोबत कॅटरिना कैफ आणि आलिया भट्ट देखील दिसणार आहेत. या चित्रपटाचे दिग्दर्शन अभिनेता फरहान अख्तरची बहीण आणि चित्रपट निर्माती झोया अख्तर करणार आहे. 'जी ले जरा' हे फरहानच्या 'जिंदगी ना मिलेगी दोबारा' या चित्रपटाचे फिमेल व्हर्जन आहे.
हेही वाचा - विवेक अग्निहोत्रीने 'द व्हॅक्सिन वॉर' चित्रपटाची केली घोषणा
