Namrata Sambherao : नम्रता संभेरावनं इंस्टाग्राम अकाउंटवर शेअर केला क्यूट व्हिडिओ...

Namrata Sambherao : नम्रता संभेरावनं तिच्या इंस्टाग्रामवर एक व्हिडिओ पोस्ट केला आहे. या व्हिडिओमध्ये तिच्यासोबत तिचा मुलगा रुद्रराज दिसत आहे. नम्रताच्या या व्हिडिओवर खूप कमेंट येत आहेत.

मुंबई - Namrata Yogesh Sambherao : नम्रता संभेराव ही एक अभिनेत्री आहे जी ‘महाराष्ट्राची हास्यजत्रा’ या कॉमेडी शोमधून प्रसिद्धीच्या झोतात आली. तिनं आपल्या विनोदी शैलीनं प्रेक्षकांची मने जिंकली आहेत. आता तिनं नुकताच एक व्हिडिओ इंस्टाग्रामवर शेअर केला आहे. या व्हिडिओमध्ये तिचा मुलगा रुद्रराज दिसत आहे. व्हिडिओमध्ये रुद्रराजनं मराठीचं महत्त्व सांगितलं आहे. नम्रता ही व्हिडिओमध्ये आपल्या मुलासोबत बसलेली दिसत आहे. रुद्रराज आपल्या आईला मराठी भाषेचं महत्व सांगत म्हणतो, 'आई ही अमेरिका नाही इंडिया आहे. इंडियात सगळे मराठीच बोलतात. तू इंडियात इंग्लिश बोलते? इंग्लिश नाही बोलायचं मराठीच बोलायचं' असं तो तिला सांगत आहे.

नम्रता संभेरावनं केला व्हिडिओ पोस्ट : शेअर केलेल्या व्हिडिओमध्ये नम्रता संभेराव इंग्रजीत बोलताना दिसत आहे. नम्रताचा हा व्हिडिओ सोशल मीडियावर सध्या व्हायरल होत आहे. नम्रतानं व्हिडिओ शेअर करत म्हटलं, 'माझ्या बाळाची मराठीबद्दलची ओढ आणि प्रेम पाहून मला खूप अभिमान वाटत आहे. खेदाची गोष्ट म्हणजे मराठी माध्यम लोप पावत आहेत. ह्याची खूप खंत वाटते आमच्या आसपास मराठी माध्यम नाही ही वाईट परिस्थिती आहे, असं नम्रतानं या व्हिडिओला कॅप्शन देत सांगितलं आहे. नम्रताचा हा व्हिडिओ तिच्या चाहत्यांना खूप आवडला आहे. या व्हिडिओवर अनेकजण कमेंट करत रुद्रराजचे कौतुक करत आहेत. याशिवाय अनेकजण मराठी भाषेविषयी अभिमान असल्याचं सांगत आहेत.

व्हायरल झाला व्हिडिओ : व्हायरल झालेल्या व्हिडिओवर कमेंट करत एका चाहत्यानं म्हटलं, 'वा रुद्र... खूप छान.. संस्कार आहेत ' दुसऱ्या चाहत्यानं म्हटलं, 'इतक्या लहान वयात इतकी समज. अभिमान वाटला खरंच त्याला खूप प्रेम आणि आशीर्वाद'. आणखी एका चाहत्यानं म्हटलं, 'नमु ताई खूप लोभस आणि गोड बाळ आहे तुमचं आणि मराठी बद्दलची ओढ आणि प्रेम बघून कुणीही बाळाची पापी घेईल, लव यू पिलू' अशा अनेक कमेंट या पोस्टवर येत आहेत. याशिवाय या व्हिडिओवर अनेकजण हार्ट इमोजी शेअर करत नम्रताचे देखील कौतुक करत आहेत. नम्रता ही अनेकदा आपले फोटो आणि व्हिडिओ सोशल मीडियावर शेअर करत असते. याशिवाय ती अनेकदा आपल्या चाहत्यांशी संवाद साधत असते.

हेही वाचा :