मुंबई - अभिनेता सलमान खानच्या आगामी 'किसी का भाई किसी की जान' या चित्रपटातील 'जी रहे थे हम' हे लव्ह गाणे नुकतेच रिलीज झाले आहे. सलमानने त्याच्या अधिकृत इंन्स्टाग्राम हँडलवर हे रोमँटिक गाणे जारी करून त्याच्या इन्स्टाग्राम फॉलोअर्सना आश्चर्यचकित केले आहे. त्याची ऑन-स्क्रीन लव्ह इंटरेस्ट पूजा हेगडे, तसेच राघव जुयाल, जस्सी गिल आणि सिद्धार्थ निगमसह, सलमान खान व्हिडिओमध्ये आनंदी मूडमध्ये दिसत आहे.
- " class="align-text-top noRightClick twitterSection" data="
">
व्हिडीओच्या सुरुवातीच्या सीनमध्ये सलमान लांब केस यासह खूपच सुंदर दिसत आहे. त्याची पूजा हेगडेसोबतची केमेस्ट्री अफलातून वाटतेय. यात सलमान आणि पूजा एका अंधुक प्रकाशाच्या खोलीत रोमँटिक डेट करताना दिसतात, त्यांच्याभोवती झुंबरे आहेत. ते अगदी फ्री फॉल मूव्हमध्ये खूपच भारी वाटतात. विशेष म्हणजे सलमानने हे गाणे गायले आहे, अमाल मलिकने संगीत दिले आहे, तर शब्बीर अहमदने गीते लिहिली आहेत. गाणे शेअर करताना सलमानने लिहिले: 'वो जो फॉलिंग वाला स्टेप है जिसमे कोई स्टेप नहीं है, वो करके दिखा दो... लव का तो पता नहीं गिरना निश्चित आहे.' या गाण्याने सलमानच्या चाहत्यांना आठवणींना उजाळा मिळाला असेल आणि सलमानचे हँगओव्हर गाणेही आठवले असेल. किसी का भाई किसी की जानचे हे गाणे ताल धरायला लावणारे आहे.
प्रचंड लोकप्रिय नैयो लगदा आणि बिल्ली बिल्ली या दोन गाण्यानंतर, जी रहे थे हम (फॉलिंग इन लव्ह) हे किसी का भाई किसी की जानच्या अल्बममधील तिसरे गाणे आहे. या चित्रपटाचे दिग्दर्शन फरहाद सामजी करत आहेत. यात सलमान खान प्रॉडक्शनची अ‍ॅक्शन, फॅमिली ड्रामा आणि रोमान्स ही सर्व वैशिष्ट्ये आहेत. या चित्रपटात सलमान खान, व्यंकटेश दग्गुबती, पूजा हेगडे, जगपती बाबू, भूमिका चावला, विजेंदर सिंग, अभिमन्यू सिंग, राघव जुयाल, सिद्धार्थ निगम, जस्सी गिल, शहनाज गिल, पलक तिवारी आणि विनाली भटनागर यांचा समावेश आहे. हा चित्रपट 2023 च्या ईदला झी स्टुडिओज जागतिक स्तरावर प्रदर्शित होणार आहे.
हेही वाचा - Rani Mukerji Birthday : हॅप्पी बर्थडे राणी मुखर्जी, पहा अभिनेत्रीची अप्रतिम फिल्मोग्राफी...
