मुंबई - Tiger 3 Movie : अभिनेता सलमान खान आणि अभिनेत्री कतरिना कैफ स्टारर 'टायगर 3' चित्रपट येत्या 12 नोव्हेंबरपासून प्रेक्षकांच्या भेटीला येणार आहे. 'टायगर 3' चित्रपटाच्या ट्रेलरला चाहत्यांचा खूप चांगला प्रतिसाद मिळत आहे. 'एक था टायगर', 'टायगर जिंदा है', 'वॉर' आणि 'पठाण' सारख्या ब्लॉकबस्टर्सचा समावेश असलेल्या यश राज फिल्म्सनं स्पाय युनिव्हर्स 'टायगर 3'चा ट्रेलर हा सर्वात जास्त पाहिला गेला आहे. सलमान आणि कतरिना ही सुपरहिट जोडी आहे, त्यामुळे अनेकांना यांच्याकडून खूप अपेक्षा आहेत. टायगर फ्रँचायझीमध्ये 'टायगर 3' हा रुपेरी पडद्यावर जोरदार कमाई करेल, असं सध्या दिसत आहे.
'टायगर 3'च्या ट्रेलरबद्दल सलमान खाननं सांगितलं : 'टायगर 3'च्या ट्रेलरबद्दल सलमाननं म्हटलं. 'मला आनंद आहे की 'टायगर 3' चा ट्रेलर प्रेक्षकांना आवडला. प्रेक्षक सिनेमागृहात 'टायगर 3' पाहण्यासाठी खूप उत्सुक आहेत! कतरिनाला आणि मला झोया आणि टायगरच्या भूमिकेत पाहिल्यानंतर लोकांच्या प्रतिक्रिया यावर येऊ लागल्या आहेत. या प्रतिक्रिया पाहून मला खूप आनंद झाला आहे. मला माहित आहे की, हे दोन सुपर-एजंट प्रेक्षकांच्या मनात एक विशेष स्थान निर्माण करतील. मला आनंद आहे की, आम्ही 'टायगर 3'च्या ट्रेलरच्या बाबतीत त्यांच्या अपेक्षा पूर्ण केल्या आहेत. आम्ही दोन सुपर एजंटस् शत्रूला भिडताना पाहणं प्रेक्षकांना नक्कीच आवडणार आहे. माझ्या मते 'टायगर 3'च्या ट्रेलरला प्रतिसाद म्हणून आज आपण जे काही पाहत आहोत ते केवळ उत्कृष्ट आहे. माझ्या करिअरमध्ये मला खूप प्रेम मिळालेले चित्रपट माझ्यासाठी भाग्यवान आहेत. पण एवढी प्रशंसा मिळवणं आणि ट्रेलर लाँच झाल्यानंतर इतका उत्साह पाहणं ही खरोखरच खास आणि दुर्मिळ अनुभूती आहे.'
कतरिना कैफनं चाहत्यांचे मानले आभार : कतरिनाने 'टायगर 3'बद्दल बोलताना तिनं सांगितलं ,'टायगर 3'च्या ट्रेलरला मिळालेल्या प्रतिक्रिया अविश्वसनीय आहेत! हे सर्व प्रेम आमच्या वाट्याला आले हे अभूतपूर्व आहे. टायगर फ्रँचायझीचा हा तिसरा चित्रपट आहे आणि 'टायगर 3'कडून लोकांच्या मोठ्या अपेक्षा आहेत याची मला चांगली जाणीव आहे. मला आनंद आहे की, ट्रेलरला प्रेम मिळत आहे आणि तो रिलीज झाल्यानंतरही 'टायगर 3' ला खूप प्रेम मिळेल'. 'टायगर 3' हा चित्रपट मनिष शर्मा दिग्दर्शित आहे. हा चित्रपट या दिवाळीच्या मुहूर्तावर 12 नोव्हेंबर रोजी हिंदी, तमिळ आणि तेलुगूमध्ये रिलीज होणार आहे.
हेही वाचा :
