मुंबई - बंगाली थिएटरमधील दिग्गज अभिनेत्री विनोदिनी दासी ( Binodini Dasi ) हिच्या जीवनावर आधारित चित्रपट बनणार आहे. विनोदिनी दासी हिला नोटी बिनोदिनी ( Noti Binodini ) या नावानेही ओळखले जात असे. या बायोपिकमध्ये मुख्य भूमिका कंगना रणौत साकारणार आहे. परिणीता आणि मर्दानी या चित्रपटांसाठी ओळखले जाणारे प्रदीप सरकार आगामी चित्रपटाचे दिग्दर्शन करणार आहेत. प्रकाश कपाडिया (देवदास, तान्हाजी: द अनसंग वॉरियर) यांनी पटकथा लिहिली आहे.अशा प्रकारे इमर्जन्सी चित्रपटात माजी पंतप्रधान इंदिरा गांधींच्या भूमिकेत दिसणारी रणौत आता आणखी एक बायोपिक घेऊन येत आहे.
कंगना चौथ्यांदा रिअल-लाइफ कॅरेक्टर साकारत आहे - मणिकर्णिका: द क्वीन ऑफ झांसी, थलायवी (जे जयललिता) आणि आगामी फीचर इमर्जन्सी (इंदिरा गांधी) यानंतर कंगना रनौतचा हा चौथा चित्रपट आहे ज्यामध्ये ती वास्तविक जीवनातील पात्र साकारत आहे. इमर्जन्सी ( Emergency ) चित्रपटाचे शुटिंग पूर्ण झाल्यानंतर पुढील वर्षी कंगना या बायोपिकच्या शुटिंगला सुरुवात करेल अशी अपेक्षा आहे. "मी प्रदीप सरकारजींची खूप मोठा चाहती आहे आणि या संधीसाठी खूप आनंदी आहे. तसेच प्रकाश कपाडिया जी यांच्यासोबतचे हे माझे पहिले सहकार्य असेल आणि या देशातील काही महान कलाकारांसोबतच्या या उल्लेखनीय प्रवासाचा भाग होण्यासाठी मी पूर्णपणे रोमांचित आहे. "असे कंगनाने एका निवेदनात म्हटले आहे.
नोटी बिनोदिनी कोण आहे? - १८६२ मध्ये जन्मलेली, बिनोदिनी गिरीश चंद्र घोष यांच्या आश्रयाने वाढली आणि वयाच्या १२व्या वर्षी तिच्या पहिल्या परफॉर्मन्समध्ये प्रेक्षकांचे लक्ष वेधून घेतले. युरोपियन शैलीतील प्रोसेनियम थिएटर प्रकारात तिचे असे नाव झाले की युरोपीय नाट्यप्रेमी तिला 'द फ्लॉवर ऑफ नेटिव्ह स्टेज' म्हणत असत.
स्वत:चे आत्मचरित्र लिहिणारी पहिली दक्षिण आशियाई थिएटर अभिनेत्री - कोलकाता येथील सेक्स वर्कर्सच्या कुटुंबात जन्मलेली, बिनोदिनी 19व्या शतकातील बंगालमधील सर्वात प्रसिद्ध अभिनेत्री म्हणून उदयास आली. तिने सीता, द्रौपदी, राधा, कैकेयी आणि मोतीबीबी यांच्यासह 80 हून अधिक भूमिका केल्या. स्वत:चे आत्मचरित्र लिहिणाऱ्या थिएटरमधील पहिल्या दक्षिण आशियाई अभिनेत्रींपैकी एक म्हणूनही ती ओळखली जाते.
हेही वाचा - सेलिब्रिटी क्रिकेट लीगमध्ये मराठी कलाकारांवर लागली लाखांची बोली
