मुंबई - आपल्या बोल्डनेस आणि सौंदर्याने बॉलिवूड चाहत्यांना वेड लावणारी अभिनेत्री जान्हवी कपूरने तिचा नवीन चित्रपट 'गुड लक जेरी'चे पहिले पोस्टर शेअर केले आहे. अभिनेत्रीने सोशल मीडियावर काही फोटो टाकले आहेत, ज्यामध्ये अभिनेत्रीचा जबरदस्त लूक दिसत आहे.
जान्हवीने चित्रपटाचे पोस्टर शेअर केले असून ओटीटीवर चित्रपट कधी स्ट्रिम होणार हे सांगितले आहे. या चित्रपटाची घोषणा खूप आधी झाली होती. याआधी या चित्रपटाचा फर्स्ट लूक जान्हवीने तिच्या इंस्टाग्राम अकाउंटवरून चाहत्यांशी शेअर केला होता.
- " class="align-text-top noRightClick twitterSection" data="
">
चित्रपटाचे पहिले पोस्टर शेअर करताना जान्हवी कपूरने लिहिले आहे, 'निकल पडी हूं एक नये अॅडव्हेंचर पे... गुडलक नहीं बोलेंगे'. हा चित्रपट २९ जुलैपासून डिस्ने प्लस हॉटस्टारवर प्रदर्शित होणार आहे. आनंद एल राय आणि सुबास्करन निर्मित 'गुड लक जेरी' या चित्रपटात जान्हवी व्यतिरिक्त दीपक डोबरियाल, मीता वशिष्ठ, नीरज सूद आणि सुशांत सिंग देखील दिसणार आहेत.
शूटिंगपूर्वी टीमला पंजाबच्या बस्सी पठानामध्ये शेतकऱ्यांच्या विरोधाला सामोरे जावे लागले आणि आंदोलकांनी शूटिंग थांबवले होते. नंतर जान्हवी कपूरने आपल्या सोशल मीडियावर शेतकऱ्यांच्या बाजूने एक स्टेटस टाकला, त्यानंतर कुठेतरी शूटिंग पुन्हा सुरू झाले होते. चित्रपटाचे दिग्दर्शन सिद्धार्थ सेनगुप्ता यांनी केले आहे.
हेही वाचा - हृतिक रोशनची आजी पद्मा राणी यांचे निधन
