हैदराबाद - सुपरस्टार अमिताभ बच्चन, प्रभास आणि दीपिका पदुकोण यांच्या प्रमुख भूमिका असलेल्या असलेल्या नाग अश्विनच्या आगामी चित्रपट 'प्रोजेक्ट - के'च्या शूटिंगसाठी दीपिका हैदरबादला पोहोचली आहे. सोमवारी रात्री दीपिका मुंबई विमानतळावर हैदराबादला निघताना दिसली. यावेळी त्याने हौशी फोटोग्राफर्सना हसून पोजही दिल्या.' प्रोजेक्ट-के' हे चित्रपटाचे तात्पुरते शीर्षक आहे. एक मेगा कॅनव्हास असलेला हा चित्रपट संपूर्ण भारतात रिलीज होणार असून चित्रपटाच्या घोषणेपासूनच चर्चेत आहे.
- " class="align-text-top noRightClick twitterSection" data="
">
हैदराबादच्या प्रसिद्ध रामोजी फिल्म सिटीमध्ये उभारण्यात आलेल्या विशेष सेटवर चित्रपटाचा एक मोठा भाग शूट केला जाईल. ' प्रोजेक्ट-के' हा एक सायन्स फिक्शन चित्रपट आहे, जो आतापर्यंतचा सर्वात महागडा भारतीय चित्रपट आहे. या शेड्यूलमध्ये दीपिका आणि प्रभासची भूमिका असलेले काही महत्त्वपूर्ण सीक्‍वेन्सचे शूटिंग पूर्ण करण्यात येणार आहे.
'प्रोजेक्ट-के' या सायन्स फिक्शन चित्रपटात दीपिका आणि प्रभास पहिल्यांदाच एकत्र काम करणार आहेत. यामध्ये मेगास्टार अमिताभ बच्चन देखील महत्त्वाच्या भूमिकेत दिसणार आहे. नामवंत तेलुगू निर्मात्या सी. अश्विनी दत्त या मेगा-बजेट प्रोजेक्टची बँकरोल करत आहेत जो 2023 मध्ये पडद्यावर येण्याची अपेक्षा आहे. शूजित सरकारच्या पिकूमध्ये यशस्वी काम केल्यानंतर दीपिकाचा बिग बी सोबतचा हा दुसरा चित्रपट आहे.
