मुंबई : वरुण धवन आणि जान्हवी कपूर यांचा 'बवाल' चित्रपटाचा टीझर ५ जुलै रोजी बुधवारी रिलीज झाला आहे. याचे दिग्दर्शन नितेश तिवारी यांनी केले असून साजिद नाडियादवाला यांनी निर्मिती केली आहे. वरुण आणि जान्हवीचा पहिलाच सोबत चित्रपट आहे. हा एक रोमँटिक-ड्रामा चित्रपट आहे. या चित्रपटाचा टीझर हा दुपारी १२ वाजता प्रदर्शित करण्यात आला आहे. या चित्रपटाचे शूटिंग जगातील विविध देशांमध्ये झालेली आहे. 'बवाल' हा भारतीय चित्रपटसृष्टीतील पहिलाच चित्रपट असणार आहे, ज्याचे प्रीमियर पॅरिसमधील आयफेल टॉवरवर होणार आहे. दरम्यान हा चित्रपट चित्रपटगृहांमध्ये प्रदर्शित होणार नाही परंतु २०० हून अधिक देशांमध्ये ओटीटी प्लॅटफॉर्मवर प्रदर्शित केला जाणार आहे.
कसा आहे टीझर: वरुण आणि जान्हवीच्या चित्रपटाचा टीझर हा ड्रामा आणि प्रेमाने भरलेला आहे. टीझरच्या बॅकग्राऊंडमध्ये सॅड गाणेही ऐकू येत आहे. टीझरसोबतच चित्रपटाच्या प्रदर्शनाची तारीखही जाहीर करण्यात आली आहे. हा चित्रपट २१ जुलै रोजी प्राइमवर प्रदर्शित होणार आहे.
'छिछोरे'नंतर नितेश आणि साजिद पुन्हा एकत्र : राष्ट्रीय पुरस्कार विजेत्या 'छिछोरे' चित्रपटानंतर नितेश तिवारी आणि साजिद पुन्हा एकदा या चित्रपटासाठी एकत्र आले आहेत. आधी हा चित्रपट ऑक्टोबरमध्ये प्रदर्शित होणार होता, मात्र आता हा चित्रपट २१ जुलै रोजी ओटीटीवर प्रदर्शित होणार आहे.
- " class="align-text-top noRightClick twitterSection" data="">
नितेश यांचे वक्तव्य : या चित्रपटासाठी नितेश तिवारी म्हटले- 'चित्रपटाचे शूटिंग भारतातील तीन ठिकाणी आणि युरोपातील पाच देशांमध्ये झाले आहे. या चित्रपटाची कहाणी अतिशय आकर्षक आहे आणि दृश्ये नाट्यमय आहेत. या चित्रपटात वरुण आणि जान्हवीची जबरदस्त केमिस्ट्री पाहायला मिळणार आहे. अ‍ॅमेझोन प्राइम व्हिडीओवर प्रसारित करून, हा चित्रपट देश-विदेशातील प्रेक्षकांपर्यंत पोहोचण्यास सक्षम असेल. या चित्रपटासाठी आम्ही खूप उत्कटतेने आणि बांधिलकीने काम केले आहे. प्रेक्षकांच्या प्रतिक्रिया पाहण्यासाठी आम्ही उत्सुक आहोत.
साजिद यांचे वक्तव्य : साजिद नाडियादवालाच्या टीमने त्यांचे एक स्टेटमेंट शेअर केले होते, ज्यामध्ये लिहिले होते की, 'बवाल हा माझ्यासाठी खूप खास चित्रपट आहे. नितेश तिवारीसोबत पुन्हा काम करताना आनंद झाला. वरुण आणि जान्हवीने या चित्रपटात आपले सर्वोत्कृष्ट दिले आहे.
हेही वाचा :
