हैदराबाद : सुपरस्टार सलमान खानने त्याच्या कलेक्शनमध्ये बुलेटप्रूफ निसान पेट्रोल लक्झरी एसयूव्ही अ‍ॅड केली आहे. खानने बुलेटप्रूफ खरेदी केल्याच्या बातम्या आता व्हायरल होत आहेत. गेल्या महिन्याच्या अखेरीस तो मुंबईतील नीता मुकेश अंबानी कल्चरल सेंटरच्या उद्घाटन कार्यक्रमाला उपस्थित राहण्यासाठी आला होता.
सलमानची नवीन बुलेटप्रूफ कार : सलमानने निसान पेट्रोल एसयूव्हीचा कार खरेदी केली आहे. आत्तापर्यंत हि गाडी भारतीय बाजारपेठेत लॉन्च झालेली नाही. सलमान खानच्या सर्व सुरक्षेच्या दृष्टीने त्याने हा निर्णय घेतला आहे. त्याने निसान पेट्रोल एसयूव्ही कार आयात केली आहे. दक्षिण आशियाई बाजारपेठेमधील ही सर्वात लोकप्रिय आणि महागडी एसयूव्ही कार आहे. सुरक्षेच्या दृष्टिकोनातून ही बुलेटप्रूफ गाडी अतिशय खास आहे.
धमकीच्या ई-मेलमध्ये काय लिहिले होते ? गेल्या महिन्यात 18 मार्च रोजी सलमान खानला धमकीचा ई-मेल आला होता. या धमकीच्या ई-मेल प्रकरणात गँगस्टर लॉरेन्स बिश्नोईचे नाव पुढे आले होते. पोलिसांनी लॉरेन्स आणि गोल्डी ब्रार यांच्याविरोधात एफआयआर नोंदवला होता. ई-मेलमध्ये असे लिहिले होते की, 'गोल्डी ब्रारला बॉस म्हणजेच सलमान खानशी बोलायचे आहे. सलमानने मुलाखत पाहिली असेल, पाहिली नसेल तर ती बघायला सांगा. जर तुम्हाला प्रकरण बंद करायचे असेल तर ते प्रकरण पूर्ण करा. मी तुम्हाला वेळीच कळवत आहे, पुढच्या वेळी तुम्हाला फक्त धक्काच पाहायला मिळेल.
गुंडांच्या निशाण्यावर सलमान : गेल्या अनेक वर्षांपासून लॉरेन्स बिश्नोई आणि गोल्डी ब्रार या गुंडांनी दबंग खानला आपले लक्ष्य बनवले आहे. दोन्ही बाजूंनी सलमानला धमक्या येण्याची प्रक्रिया सुरूच आहे. त्यांनी सलमानच्या घर आणि फार्महाऊसची रेकीही केली आहे. अनेकवेळा त्यांनी सलमानवर हल्ला करण्याची योजना आखली, शस्त्रे विकत घेतली, फार्महाऊसच्या रक्षकांशी मैत्री केली... पण अभिनेत्याची कडक सुरक्षा किंवा इतर कारणांमुळे गुंडांची योजना शेवटपर्यंत पोहोचू शकली नाही. सलमान खानने त्याची आणि त्याच्या समाजाची माफी मागीतली पाहीजे अशी लॉरेन्स बिश्नोईची मागणी आहे. कारण काळवीट शिकार प्रकरणात सलमानचे नाव आले होते. त्यामुळे तो अभिनेत्यावर नाराज असून दबंग खानला धडा शिकवू इच्छितो.
धमक्यांवर सलमानने असे दिले उत्तर : बुधवारी सलमान खानने गुंडांकडून मिळणाऱ्या धमक्यांवर पहिल्यांदाच प्रतिक्रिया दिली. एका अवॉर्ड फंक्शनच्या पत्रकार परिषदेत सलमान खानला विचारले होते की, तुम्ही सर्व भारताचे भाईजान आहात. तुम्हाला मिळणाऱ्या धमक्यांचा तुम्ही कसा सामना करता? या प्रश्नावर दबंग खानने असे उत्तर दिले, ज्याचे सोशल मीडियावर खूप कौतुक होत आहे. अभिनेता म्हणाला - आम्ही संपूर्ण भारताचे भाऊ नाही, आम्हीही कोणाचे तरी जीव आहोत. अनेकांचे प्राण आहोत.
