मुंबई - बॉलिवूड अभिनेत्री आलिया भट्टचा हॉलीवूडचा डेब्यू चित्रपट हार्ट ऑफ स्टोन 11 ऑगस्ट रोजी रिलीज होणार आहे. या चित्रपटाची टक्कर तिचा पती रणबीर कपूरच्या 'अॅनिमल' या चित्रपटाशी होणार आहे. गल गॅडोट आणि जेमी डोरनन यांची मुख्य भूमिका असलेल्या या चित्रपटात आलियाने चमकदार कामगिरी केली आहे.
स्ट्रीमिंग जायंट नेटफ्लिक्सने बुधवारी त्याच्या सोशल मीडिया प्लॅटफॉर्मवर टिझर व्हिडिओद्वारे चित्रपटाच्या रिलीजची तारीख आणि इतर शीर्षके शेअर केले.
टॉम हार्परने दिग्दर्शित केलेला, हार्ट ऑफ स्टोन हा टॉम क्रूझच्या मिशन इम्पॉसिबलच्या मालिकेतील पहिला हप्ता असेल. या चित्रपटात गल, जेमी आणि आलिया व्यतिरिक्त सोफी ओकोनेडो, मॅथियास श्वेघोफर, जिंग लुसी आणि पॉल रेडी देखील आहेत.
क्लिपमध्ये 'एक्स्ट्रॅक्शन 2', 'मर्डर मिस्ट्री 2', 'रिबेल मून' आणि 'द किलर' चे टीझर फुटेज देखील दाखवले आहे. जेनिफर अॅनिस्टन आणि अॅडम सँडलर यांचा 'मर्डर मिस्ट्री 2' 13 मार्च रोजी रिलीज होणार आहे. 'एक्स्ट्रॅक्शन 2' हा क्रिस हेम्सवर्थच्या 'एक्स्ट्रॅक्शनचा दुसरा हप्ता आहे जो 16 जून रोजी रिलीज होईल.
हॉलिवूड चित्रपट हार्ट ऑफ स्टोन या स्पाय थ्रिलरमध्ये वंडर वुमन स्टार गॅल गॅडॉट आणि बेलफास्ट अभिनेता जेमी डोर्नन देखील आहेत. ग्रेग रुका आणि अॅलिसन श्रोडर यांनी लिहिलेल्या स्क्रिप्टमधून नेटफ्लिक्स निर्मित या चित्रपटाचे दिग्दर्शन टॉम हार्पर यांनी केले आहे.
आलिया भट्टने चित्रपटाच्या सेटवरील फोटोंच्या मालिकेसह इन्स्टाग्रामवर तिच्या चाहत्यांसाठी आपले अपडेट शेअर केले होते व अविस्मरणीय अनुभवासाठी तिने तिच्या सहकलाकारांचे आणि दिग्दर्शकाचे आभार मानले होते.
- " class="align-text-top noRightClick twitterSection" data="
">
चित्रपटाच्या शूटिंगसाठी लंडनमध्ये राहत असताना आलियाने तिच्या गरोदरपणाची घोषणा केली होती. त्यानंतर तिने पती रणबीर कपूरकडे घरी परत येण्याची उत्सुकताही व्यक्त केली होती. पण आत्तासाठी.. मी घरी येत आहे बेबी, असे तिने हार्ट इमोजीसोबत लिहिले होते.
गॅडोटने या पोस्टवर कमेंट केली आणि लिहिले की, आम्ही तुम्हाला आधीच मिस करतो. तिने तिच्या इंस्टाग्राम स्टोरीजवर आलिया भट्टचे कौतुक केले. आलिया ही एक अद्भुत प्रतिभा असलेली महान व्यक्ती असल्याचेही तिने लिहिले आहे.
हार्ट ऑफ स्टोनची निर्मिती स्कायडान्सचे डेव्हिड एलिसन, डाना गोल्डबर्ग आणि डॉन ग्रेंजर, मॉकिंगबर्डच्या बोनी कर्टिस आणि ज्युली लिन आणि गॅडोट आणि जॅरॉन वर्सानोच्या पायलट वेव्ह बॅनरसह केली आहे. हार्पर, रुका आणि पॅटी व्हिचर कार्यकारी निर्माता म्हणून काम करत आहेत.
आलिया आगामी 'रॉकी और रानी की प्रेम कहानी'मध्ये रणवीर सिंग, धर्मेंद्र, जया बच्चन आणि शबाना आझमीसोबत दिसणार आहे. हा चित्रपट 28 एप्रिलला थिएटरमध्ये दाखल होणार आहे.
हेही वाचा - Ghaat World Premiere : मराठी चित्रपट घाटचा बर्लिन फिल्म फेस्टीव्हलमध्ये होणार वर्ल्ड प्रीमियर
