Box office surprise: चायनीज चित्रपट 'नो मोअर बेट्स'ने ब्लॉकबस्टर 'बार्बी'ला टाकले पिछाडीवर

बॉक्स ऑफिस वर्चस्वासाठी सुरू असलेल्या लढाईत चीनी चित्रपट 'नो मोअर बेट्स' जागतिक स्तरावर बाजी मारली आहे. कमाईच्या आकड्यात या चित्रपटाने हॉलिवूडच्या ब्लॉकबस्टर 'बार्बी' चित्रपटाला मागे टाकले. नो मोअर बेट्सने व्यावसायिक आघाडीवर निर्विवाद राज्य केल्याचे दिसून येते.

मुंबई - 'नो मोअर बेट्स' हा चायनीज चित्रपट या आठवड्यात ग्लोबल मार्केटमध्ये सर्वाधिक कमाई करणारा चित्रपट ठरला आहे. हॉलिवूडच्या 'बार्बी' चित्रपटाच्या कमाईलाही या चायनीज चित्रपटाने मागे टाकले आहे. गेल्या शनिवारी आणि रविवारी जागतिक फिल्म मार्केटमध्ये 'नो मोअर बेट्स' चित्रपटाने सर्वांनाच मागे टाकत बॉक्स ऑफिसवर निर्विवादपणे राज्य केले. शुक्रवार ते रविवार या कालावधीत या चित्रपटाने चीनमध्ये ८८ दशलक्ष डॉलर्सची कमाई केली.

'नो मोअर बेट्स'च्या या जबरदस्त कामगिरीने स्टार-स्टडेड हॉलिवूड चित्रपट 'बार्बी'च्या लोकप्रियतेला धक्का दिला. 'बार्बी' या चित्रपटात मार्गोट रॉबी आयकॉनिक डॉल आणि केनच्या भूमिकेत रायन गॉस्लिंग आहे. २१ जुलै रोजी रिलीज झालेल्या, ग्रेटा गेर्विगच्या 'बार्बी' चित्रपटाने जगभर जबरदस्त कमाई केली परंतु, 'नो मोअर बेट्स'ने सेट केलेल्या प्रभावी आकड्यांशी ती जुळू शकली नाही.

• " class="align-text-top noRightClick twitterSection" data="">

एका आंतरराष्ट्रीय वेबलॉइडने उघड केले की, 'बार्बी' चित्रपटाने उत्तर अमेरिकेत रिलीजच्या चौथ्या आठवड्याच्या अखेरीस ३३.७ दशलक्ष कमाईचा आकडा गाठला. याशिवाय इंटरनॅशनला मार्केटमधून चित्रपटाने ४५.१ दशलक्ष डॉलर्स कमावले. 'बार्बी'ने आठवड्या अखेरीस ७८.८ दशलक्ष डॉलर्सची कमाई केली होती.

असे असले तरी, 'नो मोअर बेट्स'ला मिळालेले यश आणखी उत्तुंग होते, कारण त्याच्या अचूक आकड्यांसाठी प्रसिद्ध असलेल्या आर्टिसन गेटवेच्या चीनच्या बॉक्स ऑफिस डेटाने चित्रपटाच्या अफाट यशाचे संकेत दिले. 'नो मोअर बेट्स' चित्रपटाने यापूर्वीच २४७.५ दशलक्ष डॉलर्सची कमाई एकट्या चीनमधून झाली आहे.

• " class="align-text-top noRightClick twitterSection" data="">

शेन एओ दिग्दर्शित आणि निंग हाओ निर्मित, 'नो मोअर बेट्स' ले झांग यांनी चित्रित केलेल्या संगणक प्रोग्रामर आणि जीना जिनने जिवंत केलेल्या मॉडेलभोवती फिरणारी एक आकर्षक कथा आहे. परदेशात बक्कळ पैशाच्या नोकरीच्या शोधात असलेली दोन पात्र एका क्रूर टोळीच्या जाळ्यात अडकतात आणि ऑनलाइन फसवणुकीच्या जाळ्यात नकळत सहभागी होतात.

'नो मोअर बेट्स' चित्रपटाबद्दलचे सध्याचे चकित करणारे आकडे विक्रमी कमाईच्या दिशेने पुढे जातील असा तर्क आहे. हा चित्रपट तब्बल ५०० दशलक्ष डॉलर्स कमाई करु शकेल असा अंदाज व्यक्त केला जातो.

हेही वाचा -

१. Ananya Panday Invites Troll : मनजोत सिंगपासून फोटोसाठी दूर गेल्याने अनन्या पांडेने दिले ट्रोलर्सना आमंत्रण

२. 'wonder Women': 'हार्ट ऑफ स्टोन'मध्ये गॅल गडोटसोबत आलिया भट्टचे हॉलिवूड पदार्पण; अमूलने शेअर केली एक खास पोस्ट

३. Fighter Movie : दिग्दर्शक सिद्धार्थ आनंद 'फायटर' चित्रपटाबाबत करणार मोठी घोषणा...