मुंबई : मुंबईतील कांदिवली पश्चिम ( Kandivali Firing Case ) लालजी पाडा परिसरात चार तरुणांवर 5 राउंड फायरिंग प्रकरणात ( Kandivali Firing Case ) गुजरातमधील मंदार परिसरातून 2 आरोपींना अटक ( accused arrested from Mandar in Gujarat ) करण्यात आली आहे. ही अटक क्राईम ब्रँच युनिट 11 ने केली आहे. शनिवारी रात्री दोन्ही आरोपींना मुंबईत आणण्यात आले. दोघांनाही आज न्यायालयात हजर करण्यात येणार आहे. यात अंकित यादवचा जागीच मृत्यू ( Ankit Yadav ) झाला होता. अंकित यादवचे शवविच्छेदन केल्यानंतर मृतदेह कुटुंबीयांच्या ताब्यात देण्यात आला आहे.
गोळीबारात अंकित यादवचा मृत्यू - पोलीस सूत्रांकडून मिळालेल्या माहितीनुसार, कांदिवली लालजी पाडा येथे झालेल्या गोळीबारात ( Kandivali Lalji Pada Firing ) अंकित यादवचा मृत्यू झाला आहे, तर अंकितसोबत असलेल्या तीन साथीदारांची प्रकृती धोक्याबाहेर आहे. मृत अंकितच्या छातीत गोळी लागली होती, तर अभिनाश दाभोलकर यांच्या पोटात गोळी लागली. मनीष गुप्ता, प्रकाश नारायण यांच्या पायाला गोळी लागली आहे. आरोपी सोनू पासवान याने या चौघांवर देशी बनावटीच्या पिस्तुलाच्या सर्व गोळ्या झाडल्या होत्या. सुदैवाने, सोनू पासवान नशेत होता. तो हवेत गोळ्या झाडत होता. सोनू पासवान हा बिहार सिवानचा रहिवासी आहे. तो चार्टर्ड अकाउंटंटकडे काम करतो. त्यांने बिहारमधून शस्त्रे आणली होती. त्यांचे लक्ष मोंटू यादव याच्याकडे होते.
जिलेबी खाण्यावरुन भांडण - गोळीबाराच्या घटनेची सुरुवात जिलेबी खाण्यापासून झाली होती. गोळीबारात अंकित यादवचा मृत्यू झाल्यानंतर प्रकरण समोर आले. काही दिवसांपूर्वी कांदिवलीच्या हद्दीत बांधलेल्या लिंक रोडवर परिसरातील काही मुले जिलेबी खात होती. तिथे एक मुलगीही होती. त्यावेळी सोनू पासवान त्याच्या काही साथीदारांसह तेथे पोहोचला.जलेबी खाण्यावरून दोन्ही गटात भांडण झाले. त्यात आरोपी सोनू त्याच्या साथीदारांनी तेथे उपस्थित असलेल्या एका मुलावर धारदार शस्त्राने वार केले. या हल्ल्यात मुलगा गंभीर जखमी झाला. कांदिवली पोलिसांनी कलम ३२६ अन्वये गुन्हा दाखल करून आरोपी सोनू, त्याच्या साथीदारांचा शोध सुरू केला आहे.
अंदाधुंद गोळीबार - शुक्रवारी रात्री नवरात्रीमध्ये लोक दांडिया खेळण्यात व्यस्त असताना मोंटूचा बदला घेण्यासाठी सोनू पासवान दारूच्या नशेत त्या भागात पोहोचला. तिथे आधीच उपस्थित असलेल्या अंकित यादव, अभिनाश दाभोलकर, मनीष गुप्ता, प्रकाश नारायण यांच्याशी हाणामारी झाली. ज्यामध्ये एका व्यक्तीने सोनूला पकडून खाली फेकले. ज्यामध्ये सोनूचे पिस्तूल जमिनीवर पडले. त्याच क्षणी सोनूने जमिनीवर पडलेले पिस्तूल उचलले. त्यांने पिस्तुलातील सर्व गोळ्या अंकितसह त्याच्या साथीदारांच्या दिशेने फायरिंग केली त्यात अंकितच्या छातीत गोळी लागली होती. बाकीच्यांनाही गोळ्या लागल्या होत्या.
गुजरात मंदार येथून आरोपीला अटक - यावेळी आरोपी सोनू पासवान (25) याच्यासोबत आलेल्या आरोपी सूरज गुप्ता (23) याने सोनूसोबत दुचाकीवरून पळ काढला. रात्री अंकितच्या मृत्यूची बातमी मिळताच दोन्ही आरोपी मुंबईहून बोरिवलीला जाणारी ट्रेन पकडल्यानंतर गुजरातमधील मंदार येथे पळून गेले. घटनेची माहिती मिळताच मुंबई कांदिवली पोलीस, गुन्हे शाखा युनिट 11 चे वरिष्ठ पीआय विनायक चव्हाण यांच्या मार्गदर्शनाखाली पीआय मानसिंग पाटील, पीआय घोणे यांच्या पथकाने गुजरात मंदार येथून आरोपी सोनू पासवान, सूरज गुप्ता या दोघांना ताब्यात घेतले.
