हैदराबाद OPPO Find N5 : OPPO नं जागतिक बाजारपेठेत त्यांचा स्टाईल फोल्डेबल फोन, OPPO Find N5 लाँच केला. कंपनीचा दावा आहे की OPPO Find N5 हा आता बाजारातला सर्वात पातळ फोल्डेबल फोन आहे. उघडल्यावर त्याची जाडी फक्त 4.21 मिमी असते. हा 5600mAh बॅटरी असलेला पहिला फोल्डेबल फोन देखील आहे. या फोननं ऑनर मॅजिक व्ही3 ला मागं टाकलंय. या फोनला ट्रिपल आयपी रेटिंग आहे आणि तो पाण्याखाली फोटोग्राफी करण्यास सक्षम आहे. कंपनीनं 16 जीबी रॅमसह फक्त एकाच व्हेरिएंटमध्ये त्याला लाँच केलं आहे.
OPPO Find N5 ची किंमत आणि उपलब्धता
ओप्पो फाइंड N5 मिस्टी व्हाइट आणि कॉस्मिक ब्लॅक अशा रंगांमध्ये उपलब्ध आहे. हा फोल्डेबल फोन 16 जीबी रॅम आणि 512 जीबी स्टोरेजसह एकाच कॉन्फिगरेशनमध्ये उपलब्ध आहे. फोनची किंमत 2499 सिंगापूर डॉलर ( भारतीय किंमत सुमारे 1,62,038.46) आहे. Find N5 च्या प्री-ऑर्डर आजपासून सुरू झाली असू विक्री 28 फेब्रुवारीपासून सुरू होणार आहे. OPPO Find N5 भारतात लाँच होईल की नाही हे पाहणे बाकी आहे. वनप्लसनं पुष्टी केली आहे की ते या वर्षी वनप्लस 2 लाँच करणार नाहीत.
OPPO Find N5 स्पेसिफिकेशन
ओप्पो फाइंड एन5 मध्ये 6.62 इंचाचा फुल एचडी प्लस अंतर्गत डिस्प्ले आणि 8.12 इंचाचा 2के बाह्य डिस्प्ले आहे. फोनचा LTPO रिफ्रेश रेट 120Hz आणि PWM डिमिंग 2160Hz आहे. स्क्रीन स्टायलस पेनशी देखील सुसंगत आहेत.या डिव्हाइसची रचना मागील मॉडेलसारखीच आहे, मागील पॅनलवर एक गोलाकार कॅमेरा मॉड्यूल आहे. यात पॉवर बटणात साइड-माउंटेड फिंगरप्रिंट स्कॅनर आहे आणि डाव्या बाजूला एक अलर्ट स्लायडर देखील आहे. फाइंड एन5 ला धूळ आणि पाण्यापासून संरक्षणासाठी IPX6+IPX8+IPX9 रेटिंग आहे.
जगातील सर्वात पातळ फोल्डेबल फोन
कंपनीचा दावा आहे की हा जगातील सर्वात पातळ फोल्डेबल स्मार्टफोन आहे. बंद केल्यावर त्याची जाडी 8.93 मिमी असते, तर उघडल्यावर ती पातळ होऊन फक्त 4.21 मिमी होतं. त्याच्या काचंच्या आवृत्तीचं वजन 229 ग्रॅम आहे, तर लेदर आवृत्तीचं वजन 239 ग्रॅम आहे.
फोनमध्ये शक्तिशाली कॅमेरा सेटअप
फोटोग्राफीसाठी, फोल्डेबल फोनमध्ये हॅसलब्लॅड-ब्रँडेड ट्रिपल रियर कॅमेरा सेटअप आहे ज्यामध्ये 50-मेगापिक्सेल सोनी LYT-700 मुख्य सेन्सर, 8-मेगापिक्सेल अल्ट्रा-वाइड-अँगल लेन्स आणि 6x ऑप्टिकल झूम आणि 30x डिजिटल झूमसह 50-मेगापिक्सेल पेरिस्कोप लेन्स समाविष्ट आहे. सेल्फीसाठी, बाह्य आणि अंतर्गत डिस्प्लेवर 8-मेगापिक्सेल कॅमेरा आहे.
फोनमध्ये मोठी बॅटरी आणि रॅम
हे डिव्हाइस स्नॅपड्रॅगन 8 एलिट चिपसेटद्वारे समर्थित आहे, ज्यामध्ये 16 जीबी एलपीडीडीआर5 एक्स रॅम आणि 512 जीबी यूएफएस 4.0 स्टोरेज आहे. फोनमध्ये 5600mAh सिलिकॉन-कार्बन बॅटरी आहे, जी 80W वायर्ड आणि 50W वायरलेस चार्जिंगला सपोर्ट करते. कंपनीचा दावा आहे की 80 वॅटच्या फास्ट चार्जिंगमुळं फोन फक्त 42 मिनिटांत पूर्णपणे चार्ज होतो. हा फोन अँड्रॉइड 15 सह येतो आणि अनेक एआय वैशिष्ट्यांना सपोर्ट करतो. कंपनीचं म्हणणं आहे की फोनमध्ये चार ओएस अपडेट्स आणि पाच वर्षांचं सुरक्षा पॅच मिळू शकतात. मॅक आणि आयफोनसह सुलभ कनेक्टिव्हिटीसाठी डिव्हाइसमध्ये O+ कनेक्ट देखील आहे.
OPPO Find N5 मध्ये नवीन काय आहे?
ओप्पोनं फाइंड एन5 ची जाडी फाइंड एन3 च्या तुलनेत लक्षणीयरीत्या कमी केली आहे, जी उलगडल्यावर आणि दुमडल्यावर अनुक्रमे 5.8 मिमी आणि 11.7 मिमी जाडीची होती. नवीन फोनमध्ये टायटॅनियम फ्लेक्सिकॉन बिजागर आहे. नवीन फोल्डेबल फोनचं धूळ आणि पाणी प्रतिरोधक रेटिंग देखील Find N3 वरील IPX4 च्या तुलनेत अपग्रेड करण्यात आलं आहे. OPPO Find N5 हा बाजारात येणारा पहिला फोल्डेबल फोन आहे, ज्यामध्ये मोठी बॅटरी सेल आहे. वायरलेस चार्जिंगसाठी सपोर्ट हे मागील मॉडेलपेक्षा आणखी एक अपग्रेड आहे. कॅमेऱ्याबद्दल बोलायचं झालं तर, OPPO Find N5 च्या मागील बाजूस असलेले अल्ट्रावाइड आणि पेरिस्कोप सेन्सर डाउनग्रेड करण्यात आले आहेत. याव्यतिरिक्त, सेल्फी आणि व्हिडिओ कॉलिंगसाठी कव्हर कॅमेरा आणि अंतर्गत डिस्प्ले सेन्सर देखील अनुक्रमे 20-मेगापिक्सेल आणि 32-मेगापिक्सेलवरून डाउनग्रेड करण्यात आले आहेत.
हे वाचलंत का :
