ठाणे - एकीकडे कोरोना प्रतिबंधात्मक लसीचा तुटवडा जाणवत असून ठाणेकर नागरिकांना लस मिळणे कठीण झाले आहे. अशातच दुसरीकडे नोंदणी न करता नियम डावलून एका महिला सेलिब्रिटीने लस घेतल्याचे उघड झाले आहे. ठाणे पालिकेच्या पार्किंग प्लाझा येथे असलेल्या रुग्णालयात ही लस देण्यात आली. या अभिनेत्रीने कोविड सेंटरची फ्रंट लाईन वर्कर म्हणून खोटे ओळखपत्र बनवण्यात आले असल्याचा धक्कादायक प्रकार उघडकीस आला आहे. त्यामुळे या अभिनेत्रीला ही लस कोणी दिली? आणि कशी दिली? हा संशोधनाचा विषय असला तरी नियमबाह्य लस दिल्याने पालिका प्रशासन चांगलेच गोत्यात येणार आहे.
हेही वाचा - शाब्बास रे पठ्ठ्या..! आदिवासी तरुणाला गुळवेल पुरविण्याचे १.५ कोटींचे मिळाले कंत्राट
- सर्वसामान्यांना लसीसाठी प्रतीक्षाअभिनेत्री मीरा चोप्रा
गेल्या अनेक दिवसांपासून लसीचा तुठवडा जाणवत आहे. त्यातच ज्येष्ठ नागरिक आणि तरुणांना लसीपासून मुकावे लागत आहे. काही ठिकाणी लसीकरणासाठी वेंटिंग करावे लागत आहे. मात्र, मीरा चोप्रा या अभिनेत्रीला थेट लस कशी देण्यात आली? असा प्रश्न आता विरोधक विचारत आहेत. तसेच चुकीच्या पद्धतीने ओळखपत्र बनवून देणाऱ्या संबंधित एजेन्सीवर देखील कारवाई करण्यात यावी, अशी मागणी भाजपने केली आहे.
दरम्यान, नियमबाह्य पद्धतीने लस घेतल्यानंतरही मीरा चोप्रा हिने मोठ्या आवडीने लस घेतल्याचे फोटो सोशल मीडियावर पोस्ट केले आहेत. तसेच या फोटोबरोबर बनवण्यात आलेले खोटे ओळखपत्र देखील पोस्ट करण्यात आले असून, यामुळे आश्चर्य व्यक्त केले जात आहे. तसेच नियमबाह्य लस देण्यात येणाऱ्याची चौकशी करून कारवाई करावी अशी मागणी विरोधकांनी केली आहे.
- परदेशात जाणाऱ्या विद्यार्थ्यांना लस नाही; मग अभिनेत्रीला लस कशी?
ठाण्यातून अनेक विद्यार्थी परदेशात जाणार आहेत, त्यांना अजून लसीसाठी प्रतीक्षा करावी लागत आहे. ठाणे महापालिकेला विद्यार्थ्यांची चिंता नसून, ऐका अभिनेत्रीला लस देण्यात आली हे निंदनीय आहे. आतापर्यंत ठाण्याच्या लसीकरण केंद्रावर कोणत्याकोणत्या सेलिब्रिटींना नियमबाह्य लस देण्यात आली याची समिती नेमून चौकशी करावी आणि संबंधितावर कारवाई करावी, अशी मागणी भाजपने केली आहे.
हेही वाचा - रस्ते कामांमध्ये स्टीलसह सिमेंटचा वापर कमी करावा- नितीन गडकरी
