पुणे - नवीन वर्षात महाविकास आघाडी सरकार घालवायचे आहे आणि रिपब्लिकन पक्षाला यावर्षी मजबूत करायचं. तसेच सर्व जातीय लोकांना पक्षात आणायचं समाजाच्या सामाजिक आणि आर्थिक उन्नतीसाठी प्रयत्न करायचा, असा संकल्प केंद्रीय राज्य मंत्री रामदास आठवले ( Ramdas Athavale's New Year's Resolution ) यांनी केला आहे. केंद्रीय राज्यमंत्री रामदास आठवले यांनी भीमा कोरेगाव येथील विजयस्तंभला भेट देऊन अभिवादन केलं. यानंतर ते पत्रकारांशी बोलत होते.
नव्या वर्षी केंद्रीय मंत्री रामदास आठवलेंचा संकल्प भीमा कोरेगावला मी भेट दिली आहे. आजचा दिवस हा आमच्यासाठी अत्यंत अभिमानाचा दिवस असून भीमा कोरेगाव या ठिकाणी 500 महार समाजातील लोकांनी बलिदान दिलं आहे. अशा या लोकांना अभिवादन करण्यासाठी आज आंबेडकरी जनता येत आहे. डॉ.बाबासाहेब आंबेडकर यांच स्वप्न साकार करण्यासाठी एकजुटीने पूढे जाऊया. आपली भव्य शक्ती आणि भीम शक्ती एकत्र करूया, असे आवाहन यावेळी आठवले यांनी केलं.
नव्या वर्षासाठी सादर केली कविता -आज मला झालेला आहे फारच हर्ष. आज मला झालेला आहे फारच हर्ष. करण आज आमच्या समोर उभं आहे 2022 वर्ष. आज मी लोणावळ्यात होतो तिथं मी नष्ट केला 2021 च आणि 2022 मध्ये मी तिथून निघून गेलो. या वर्षांत आपण सर्वजण पूढे जाऊ या आणि काम करूया, असं देखील यावेळी आठवले म्हणाले.
हेही वाचा - Vaishno Devi Bhawan Stampede : वैष्णोदेवी यात्रेत चेंगराचेंगरीमुळे 12 भाविकांचा मृत्यू
