पुणे - कोविड लस ही पुणेकरांनी शोधली आहे. अन्यथा मीच काढली आहे, असे म्हणायचे नाही, असा खासदार सुप्रिया सुळे यांनी थेट नाव न घेता पंतप्रधान मोदींना टोला लगावला आहे. त्या मावळ येथे पदवीधर आणि शिक्षक मतदार संघाच्या आढावा बैठकीत बोलत होत्या.
पंतप्रधान नरेंद्र मोदी हे कोरोना लसीची निर्मिती करणाऱ्या सीरमला भेट देत असतानाच खासदार सुप्रिया सुळे यांनी त्यांच्यावर निशाणा साधला आहे. बाहेरून कोणी कोरोना लसीवर दावा केला, तर असा गैरसमज नसावा, असा टोला सुप्रिया सुळे यांनी पंतप्रधान नरेंद्र मोदी यांचे थेट नाव न घेता लगावला आहे. सुप्रिया सुळे म्हणाल्या की, या मावळ भागात 1400- 1600 कोटींची विकास कामे होणार करणार असल्याचे म्हटले जात आहे. आम्हाला दिल्लीची सवय आहे. तुम्ही तर 1400 - 1500 कोटी म्हणत आहात. आमच्याकडे तर एक लाख कोटींच्या गप्पा असतात. कोण गप्पा मारतय हे तुम्हाला माहित आहे. ते आज पुण्यात आहेत.
हेही वाचा-बाबा रामदेव यांचे बंधु राम भारत होणार रुची सोयाचे एमडी; वार्षिक वेतन अवघा रुपया!
पुणेकरांनीच लस शोधलेली आहे-
शेवटी दुनियेत फिरलात पुण्याच्या पुढे काहीही नाही. (दुनिया, घुम लो. मगर पुना के आगे कुछ है नही.) जगभरात फिरलात तरी शेवटी पुण्यातच कोविडची लस सापडणार आहे. ती लस पुणेकरांनी शोधली आहे. अन्यथा मीच काढली आहे, असे म्हणायचे नाही, असा टोला सुळे यांनी मोदी सरकारne लगावला आहे पुढे त्या म्हणाल्या की, एक लक्षात ठेवा पुण्यातच ही लस झालेली आहे. पुणेकरांनीच लस शोधलेली आहे. बाहेरून कोणी दावा क्लेम केला तर असा गैरसमज नसावा अस म्हणत त्यांनी मोदी यांना टोला लगावला आहे. यावेळी राष्ट्रवादी काँग्रेस पक्षाचे अनेक कार्यकर्ते उपस्थित होते.
हेही वाचा-मोदींचा व्हॅक्सीन दौरा...! गुजरात आणि हैदराबादेतील फार्मा कंपन्यांना मोदींची भेट
जगभरात लस पुरवठा करण्यात सीरम आघाडीवर
कोरोना विषाणूचा फैलाव झाल्यानंतर जगभरातील औषध निर्मिती क्षेत्रातील कंपन्यांनी लस तयार करण्याचा ध्यास घेतला आहे. यात पुण्यातील सीरम इन्स्टिट्यूट ऑफ इंडिया ही भारतीय कंपनी आघाडीवर आहे. सीरम ही खासगी कंपनी असून पोलीओ, डिप्थेरिया, हिपॅटिटीस - बी, रुबेला, गोवर गालगुंड आणि बीसीजीसह अनेक आजारांवर लस तयार करते.
पंतप्रधानांच्या पुण्यातील बैठकीत मुख्यमंत्री राहणार अनुपस्थित
महाविकास आघाडी सरकारला एक वर्ष पूर्ण झाले. योगायोगाने आज पंतप्रधान नरेंद्र मोदीही महाराष्ट्रात येत आहेत. मात्र, मोदींच्या या दौऱ्यावेळी मुख्यमंत्री उद्धव ठाकरे उपस्थित राहणार नाहीत. राज शिष्टाचारानुसार देशाचे पंतप्रधान किंवा राष्ट्रपती दौऱ्यावर येत असल्यास राज्याचे प्रमुख मुख्यमंत्री आणि राज्यपाल त्यांचे स्वागत करतात. पंतप्रधानांचा पुणे दौरा अतिशय कमी कालावधीचा आहे. याशिवाय कोरोना प्रादुर्भावाचा काळ असल्याने यात काही मर्यादाही आल्या आहेत. त्यामुळे मुख्यमंत्री किंवा राज्यपालांनी स्वागतासाठी उपस्थित राहण्याची आवश्यकता नाही. पंतप्रधान कार्यालयाकडूनच असे कळवण्यात आल्याचे मुख्यमंत्री कार्यालयाने स्पष्ट केले.
