पुणे - हैदराबाद येथील प्राणिसंग्रहालयात सिहांना कोरोना झाल्याचे समोर आल्यानंतर, कात्रज येथील प्राणिसंग्रहालयात प्राण्यांची अधिक काळजी घेतली जात आहे, गेल्यावर्षी देखील नियर येथील एका वाघाला कोरोना झाला होता. या पार्श्वभूमीवर प्राण्यांची अधिक काळजी घेतली जात आहे. झु किपरला सॅनिटायझर, डबल मास्क, ग्लोज घालने बंधनकारक करण्यात आले आहे. तसेच ज्या ठिकाणी सिंह आहेत त्या जागेचे वेळोवेळी निर्जंतुकीकरण करण्यात येत आहे. तसेच प्राणी मानसाच्या कमीत-कमी संपर्कात येतील याची विशेष काळजी घेतली जात आहे.
केंद्रीय पर्यावरण विभागाने हैदराबाद येथील घटनेनंतर देशातील सर्व प्राणिसंग्रहालयांना ज्या सूचना दिल्या आहेत, त्यानुसारच कात्रज येथील प्राणी संग्रहालयात ही अंमलबजावणी केली जात आहे. तसेच येथील प्राण्यांवर विशेष लक्ष ठेवण्यासाठी कर्मचाऱ्यांची नेमणूक करण्यात आलेली आहे. कोरोना संसर्गाच्या पाश्वभूमीवर सर्व प्राण्यांची विशेष खबरदारी घेतली जात आहे. या प्राण्यांच्या दररोजच्या हालचालींची देखील नोंद करण्यात येत आहे. कात्रज येथील प्राण्यांना दररोज दीड टन खाद्यपदार्थ लागते, प्राण्यांना या खाद्यपदार्थातून प्रोटीन देखील देण्यात येत आहे. तसेच जे प्राण्यांना खाद्य देण्याचे काम करतात अशा सर्व कर्मचाऱ्यांचे लसीकरण करण्यात आले आहे.
प्राणिसंग्रहालयात 50 टक्केच कर्मचाऱ्यांची उपस्थिती
कात्रज येथील प्राणी संग्रहालयात कर्मचाऱ्यांना हॅन्डग्लोज वापरणे, फेस मास्क वापरणे, गम बूट, तसेच वारंवार स्वच्छता याकडे विशेष लक्ष देण्याच्या सूचना करण्यात आल्या आहेत. तसेच प्राणिसंग्रहालयात कर्मचाऱ्यांची 50 टक्केच उपस्थिती ठेवण्यात आली आहे. कर्मचाऱ्यांचे उद्यानात वापरायचे कपडे वेगळे आणि दरोरोज वापरायचे कपडे वेगळे केले जातात. कात्रज येथील प्राणिसंग्रहालयातील वाघ, सिंह यांच्यासोबतच 400 हून अधिक प्राण्यांची कोरोनापासून बचावासाठी विशेष सोय करण्यात आली आहे. अशी माहिती राजीव गांधी प्राणी संग्रहालयातील वैदयकीय अधिकारी डॉ.सुचित्रा पाटील यांनी दिली.
हेही वाचा - एअर ॲम्बुलन्सची तांत्रिक बिघाडाने मुंबई विमानतळावर इमर्जन्सी लँडिग; रुग्णासह डॉक्टर सुरक्षित
