पुणे - पुण्यात एक धक्कादायक प्रकार घडला आहे. उरुळी कांचन (ता. हवेली) येथील मूळ निवासी असलेल्या एका वरिष्ठ पोलीस अधिकाऱ्याच्या २१ वर्षीय मुलाचा चार ते पाच जणांनी खून केल्याचा धक्कादायक प्रकार समोर आला आहे. हडपसर येथील ग्लायडिंग सेंटर येथे मंगळवारी (ता. २५) संध्याकाळी साडेदहा ते पाऊणे अकरा वाजण्याच्या सुमारास उघडकीस आला आहे. ( Pune Murder News )
जेलरच्या मुलाचा खून - गिरीधर उत्रेश्वर गायकवाड (वय २१, रा. गोपाळपट्टी, पार्क साई टॉवर मांजरी ता. हवेली, मूळ गाव उरळी कांचन) असे खून झालेल्या तरुणाचे नाव आहे. हा खून एका तरुणीसह पाच जणांनी केल्याचे उघडकीस आले आहे. मृत गिरीधर याचे वडील उत्रेश्वर गायकवाड हे अमरावती मध्यवर्ती कारागृहात जेलर म्हणुन काम पाहतात. याप्रकरणी मृताचा भाऊ निखिलकुमार उत्रेश्वर गायकवाड ( वय-२७) यांनी हडपसर पोलिसात तक्रार दिली आहे.
म्हणाला होता अर्धा तासात मैत्रिणीला भेटून आलो - गिरीधर हा मंगळवारी रात्री १० वाजण्याच्या सुमारास घरी बसला होता. त्यावेळी एका मुलीचा फोन आला होता. फोननंतर तो घराबाहेर पडत असताना भाऊ निखीलकुमार याने कुठे चालला विचारले. यावर गिरीधर याने आपली मैत्रीण साक्षी पांचाळ हिचा फोन आला होता. व मी तिला अर्ध्या तासात भेटून येतो असे सांगून गिरीधर घराबाहेर पडला. त्यानंतर अर्धा तास होऊनही गिरीधर घरी परत न आल्याने, त्याची आई व भाऊ काळजीत होते. याबाबत त्यांना आपले वडील उत्रेश्वर गायकवाड यांनी फोनवरून विचारणा केली असता त्यांनी त्याचा खून झाल्याची माहिती दिली.
हेही वाचा - संभाजी राजेंची कोंडी करण्याच्या प्रयत्न झाला -फडणवीस
हेही वाचा - Nashik Water Crisis : गावात पाण्याची तीव्र टंचाई, मुलांना लग्नासाठी देत नाहीत मुली, पाहा खास रिपोर्ट
