राज्यात १५ दिवसांचा लॉकडाऊन वाढणार ?, काही ठिकाणी शिथिलता

लसीच्या खरेदीसाठी निधीची कुठलीही अडचण नाही, राज्य सरकार लस खरेदीसाठी लागणारी सर्व रक्कम एका चेकने द्यायला तयार आहे. मात्र केंद्राकडून लस उपलब्धच होत नाही. केंद्राने जो कोटा ठरवून दिला आहे, तशा लस उपलब्ध होत आहेत असेही आरोग्यमंत्री टोपे म्हणाले. तसेच राज्यात दररोज 8 लाख ते 10 लाख लसीकरण करू शकतो इतकी आरोग्य विभागाची सक्षम यंत्रणा असल्याचेही राजेश टोपे यांनी स्पष्ट केले.

पुणे - राज्यात ज्या जिल्ह्यांमध्येे पॉझिटिव्हीटी रेट अजूनही जास्त आहे, त्या ठिकाणी आणखी 15 दिवस लॉकडाऊन वाढणार हे जवळपास निश्चित आहे. तर जिथे कोरोनाची साथ आटोक्यात आली आहे तिथेही काही प्रमाणात शिथिलता मिळू शकते. पण संपूर्ण लॉकडाऊन उठवण्याचा प्रश्नच येत नाही, असे आरोग्यमंत्री राजेश टोपे यांनी स्पष्ट केले आहे. राजेश टोपे शुक्रवारी साखर कारखाना बैठकीसाठी पुण्यात आले होते. त्यावेळी ते बोलत होते.