पुणे - सोमवारी दिवसभरात पुणे शहरात कोरोनामुळे 13 जणांचा मृत्यू झाला. यामध्ये 5 महिला आणि 8 पुरुषांचा समावेश आहे. नव्याने कोरोनाची बाधा झालेले 18 रुग्ण सापडले आहेत. तर आज कोरोनामुक्त झालेल्या 166 जणांना डिस्चार्ज देण्यात आला.
आजपर्यंत पुण्यात एकूण कोरोनाची बाधा झालेले 8062 रुग्ण सापडले. यातील उपचाराअंती बऱ्या झालेल्या 5,185 रुग्णांना घरी सोडण्यात आले आहे. आज दिवसभरात बरे झालेल्या 166 रुग्णांना डिस्चार्ज देण्यात आला आहे. महापालिकेच्या विविध रुग्णालयात अजूनही 2,486 रुग्णांवर उपचार सुरू आहेत. पुणे महापालिका कार्यक्षेत्रात आजवर 391 कोरोनाबाधित रुग्णांचा मृत्यू झाला आहे. राज्यात मुंबईनंतर पुण्यात कोरोनाचे सर्वाधिक रुग्ण सापडले आहेत. सद्यस्थितीत पुण्यात कोरोनाबाधित रुग्णांचा आकडा आठ हजारावर जाऊन पोहोचला आहे. त्यात दररोज नवीन रुग्णाची भर पडत आहे. दाट झोपडपट्टी असलेल्या भागात कोरोनाचे रुग्ण सापडण्याची संख्या मोठी आहे.
