पुणे - आरोग्य विभागाच्या पेपरफुटी प्रकरणात ( Health Recruitment scam ) पुणे सायबर पोलिसांनी दोषारोपपत्र दाखल केले आहे. शिवाजीनगर न्यायालयात पुणे सायबार पोलिसांकडून 3816 पानांचे दोषारोपपत्र दाखल करण्यात आले. दरम्यान, आतापर्यंत याप्रकरणात पोलिसांनी 20 जणांना अटक केली आहे.
आरोग्य विभागाच्या 'क' आणि 'ड' गट मध्ये परीक्षेत घोटाळा झाल्याचे समोर आले होते. त्यानंतर पोलिसांनी आरोग्य विभागाचे सहसंचालक महेश बोटले आणि प्रशासकीय अधिकारी प्रशांत बडगिरे यांच्याविरोधात गुन्हा दाखल केला होता. या आरोपिंविरोधात सायबर पोलिसांनी न्यायालयात 3816 पानांचे दोषारोपपत्र दाखल केले आहे.
तपास सुरु
राज्यात पेपरफुटी प्रकरण चांगलेच गाजले. सुरुवातीला आरोग्य भरती पेपरफुटी, म्हाडा आणि टीईटी पेपरफुटी प्रकरण समोर आले. यामध्ये नवनवीन नावे समोर येत आहे. तर आरोग्य पेपरफुटी प्रकरणात आतापर्यंत 20 हुन अधिक जणांना अटक झाली आहे. याप्रकरणाचा तपास सुरु असल्याची माहिती, सायबर पोलीस स्टेशनचे निरीक्षक दगडी हाके यांनी दिली आहे.
हेही वाचा - Nawab Malik Arrested : भाजपाच्या दवाबाखाली ईडीचा विनाकारण त्रास; नवाब मलिकांच्या मुलीचा खळबळजनक आरोप
