पणजी - गोव्यात आज विधानसभा निवडणुकीसाठी मतदान पार ( Goa Assembly Election 2022 ) पडले. आज एकूण 80 टक्के मतदान मतदान झाले. सर्वाधिक मतदान साखळी मतदासंघात झाले. त्याखालोखाल मांद्रे, पेडणे, सांगे, कानकोण, केपेम, मये, मुरंगाव या मतदारसंघात 75 टक्क्यांहून अधिक मतदान झाले. यानंतर गोव्यातील राजकीय पक्षांच्या नेत्यांनी 10 मार्च 2022 रोजी प्रचंड जनादेश मिळण्याचा विश्वास व्यक्त केला.
मुख्यमंत्री डॉ प्रमोद सावंत
मुख्यमंत्री आणि भाजप संकलीमचे उमेदवार प्रमोद सावंत यांनी सांगितले की, भाजपाला मोठा विजय मिळवून आणखी एक टर्म मिळेल याबद्दल त्यांना विश्वास आहे
दिगंबर कामत- माजी मुख्यमंत्री
माजी मुख्यमंत्री आणि काँग्रेस मडगावचे उमेदवार दिगंबर कामत यांनी नमूद केले की, काँग्रेस आणि गोवा फॉरवर्ड पार्टी आघाडीच्या बाजूने बदल होऊन पुढील सरकार स्थापन होईल, असा मला विश्वास आहे.
मायकल लोबो
मायकल लोबो यांनी माहिती दिली की, ते ज्या पक्षाचा भाग आहेत ते सरकार स्थापन करतील.
उत्पल पर्रीकर
माजी मुख्यमंत्री मनोहर पर्रीकर यांचे पुत्र आणि पणजीतील अपक्ष उमेदवार उत्पल पर्रीकर यांना पणजीतील मतदार त्यांच्यासारख्या पुरोगामी आणि प्रामाणिक उमेदवाराला मतदान करतील, असा विश्वास आहे.
अमित पालेकर
आपचा मुख्यमंत्री चेहरा आणि सेंट क्रुझचे उमेदवार अमित पालेकर म्हणाले की, 'आप' सारख्या नवीन पक्षाने सरकार स्थापन केल्याने गोव्याच्या कारभारात बदल होईल, असा मला विश्वास आहे.
किरण कंडोळकर
गोवा टीएमसीचे अध्यक्ष आणि अल्डोनाचे उमेदवार किरण कांदोळकर म्हणाले की, मतदार टीएमसी आणि एमजीपी युतीला सत्तेवर निवडून देतील यावर मला विश्वास आहे.
सुदिन ढवळीकर
महाराष्ट्रवादी गोमंतक पक्षचे उमेदवार सुदिन ढवळीकर, माजी मुख्यमंत्री मंद्रेमचे अपक्ष उमेदवार लक्ष्मीकांत पार्सेकर आणि इतरांनी गोवा विधानसभा निवडणुकीत मोठ्या विजयाचा विश्वास व्यक्त केला.
हेही वाचा - Goa Assembly Elections 2022 : गोव्यात स्थिर सरकार येणे अशक्य - राजकीय विश्लेषक
