नाशिक - कोरोना काळात आरोग्य विभागात काम करणाऱ्या प्रत्येकाचे काम कौतुकास्पद आहे. नाशिक जिल्हा रुग्णालयात अधिसेविका असलेल्या शमा माहुलीकर यांनी देखील कोरोना काळात रुग्ण सेवेसाठी स्वतःला वाहून दिले आहे, एकीकडे रुग्ण सेवा दुसरी कुटुंबाची जबाबदारी या दोघांची सांगड घालत त्यांनी स्वतःला सिद्ध करून दाखवले आहे. कुटुंबातील पती आणि मुलांच्या आधारामुळे कोरोनामुक्त होत, शमा पुन्हा 21 दिवसांनंतर रुग्ण सेवेत दाखल झाल्या आहेत.
रुग्ण सेवेसोबत प्रत्येकाला मानसिक आधार दिला आहे.
'आई' ही देवाची सर्वात सुंदर निर्मिती आहे, जी मुलांवर कुठल्याही स्वार्थाशिवाय प्रेम करत असते. मुलांच्या प्रत्येक सुखा दुःखात त्यांच्या पाठीशी उभी असते. आईची जागा जगात कोणीच घेऊ शकत नाही असे म्हटले जाते. 9 मे हा दिवस जागतिक मदर्स डे म्हणून साजरा केला जातो. आज महिलांनी आईची भूमिका पार पाडत असतांना स्वतःला सर्वच क्षेत्रात सिद्ध करून दाखवले आहे. नाशिक जिल्हा रुग्णालयात अधिसेविका असलेल्या शमा माहुलीकर ह्या आपल्या मुलांसाठी सुपर वुमन आहेत. गेल्या 35 वर्षांपासून त्या रुग्णसेवेत कार्यरत आहे. 1993 मधील मुंबईतील बॉम्ब ब्लास्ट असो की, आताचे कोरोनाचे महामरीचे संकट अशा कठीन काळात त्यांनी रुग्ण सेवेसोबत प्रत्येकाला मानसिक आधार दिला आहे.
कोरोनामुक्त होत 21 दिवसानंतर रुग्ण सेवेत दाखल
