नागपूर: पुढील दोन दिवस पुन्हा पाऊस येणार असल्याचा अंदाज हवामान विभागाने वर्तवला आहे, त्यानुसार मंगळवारी पहाटे पासून विदर्भातील काही जिल्ह्यात पावसाने हजेरी लावली आहे. त्यामुळे वातावरणातील गारवा आणखीच वाढला आहे.
पावसामुळे जनजीवन काही प्रमाणात विस्कळीत झाल्याचे बघायला मिळत आहे. या पावसामुळे पिकाचे मोठे नुकसान झाले आहे. यात गहू, तूर, चना, कापूस सह फळ भाज्यांचा समावेश आहे. आज पहाटे पासूनच नागपूर सह वर्धा आणि इतर जिल्ह्यांमध्ये पुन्हा पावसाला सुरुवात झाली आहे. हवामान विभागाच्या अंदाजानुसार पुढील दोन दिवस पावसाची शक्यता असल्याने वातावरणातील गारठा आणखी वाढण्याची शक्यता आहे
