नागपूर - मसाज सेंटरच्या नावाखाली देहव्यापार करणाऱ्या टोळीला पोलिसांनी गजाआड केले आहे. नागपुरातील सक्करधरा परिसरातील एका फ्लॅटमध्ये देहव्यापार सुरू होता. पोलिसांना याबाबत माहिती मिळताच ही कारवाई करण्यात आली. याप्रकरणी सक्करधरा पोलिसांकडून तीन आरोपींना अटक करण्यात आली आहे. तसेच एका तरुणीची सुटका करण्यात आली आहे.
तीन दलालांना अटक-
शहरातील प्रतिष्ठित भाग असलेल्या सक्करधरा परिसरात मसाज सेंटरच्या आड देहव्यापार सुरू होता. गेल्या काही महिन्यांपासून हे रॅकेट सुरू होते. मसाज सेंटर असल्याने याकडे कोणीही फारसे लक्ष देत नव्हते. मात्र पोलीस सूत्राच्या माध्यमातून ही माहीती पोलिसांना कळताच मसाज सेंटरवर छापा टाकण्यात आला. या प्रकरणी तीन दलालांना अटक करण्यात आली आहे, अशी माहिती पोलिसांनी दिली.
पीडित तरूणीची सुटका-
महेश पांधरे, स्वप्निल वर्धे आणि पवन मोहरिया अशी अटक करण्यात आलेल्या आरोपींची नावे आहेत. शिवाय पोलिसांच्या छाप्यादरम्यान घटनास्थळी एक पीडित तरुणी आढळली. तिला ताब्यात घेतल्यानंतर तिची सुटका करण्यात आली आहे. गुन्हे शाखा विभागाकडून ही कारवाई करण्यात आली, अशी माहिती पोलीस निरीक्षक सार्थक नेहते यांनी दिली आहे.
हेही वाचा- सोलापुरातील शेकडो लीटर रासायनिक ताडी जप्त; पाच विक्रेत्यांवर अन्न औषध प्रशासनाची कारवाई
हेही वाचा- दोन मोटारसायकलीसह चोरटा पोलिसांच्या ताब्यात
