नागपूर : रस्त्यावरील वाहतुकीस अडथळा ठरणारा विजेचा खांब अचानक कोसळल्याची घटना नागपूर शहरातील काचीपुरा चौकात ( Nagpur Electric Poll Collapsed ) घडली. यामध्ये तिथून जाणारी एक कार थोडक्यात बचावली असून, तिची फक्त काच फुटली आहे. सुदैवाने यात कोणतीही जिवीतहानी झाली नाही.
सविस्तर माहिती अशी की, दीक्षाभूमी जवळील काचीपुरा चौकात विजेचे खांब हटविण्याचे काम सुरू ( Nagpur Dikshabhumi Area ) आहे. कोणत्याही उपाययोजना न करता खांब काढण्याचे काम सुरु होते. तेव्हाच तेथून एक कार रामदासपेठ चौकाकडून दीक्षाभूमीच्या दिशेने जात होती. पण, चालकाने प्रसंगावधान राखत वाहन बाजुने घेतल्याने मोठा अनर्थ टळला आहे. घटनेदरम्यान चालकाशिवाय कारमध्ये कोणीही नव्हते. त्यामध्ये कारची फक्त काच फुटली आहे.
कोसळलेला विजेचा खांब
