नागपूर - अमेरिकेच्या न्यूयार्क येथील एका वाघाला कोरोनाचा संसर्ग झाल्याचे समोर आल्यानंतर आता देशभरातील प्राणिसंग्राहलयातील प्राण्यांची विशेष काळजी घेतली जात आहे. या अनुषंगाने 'द नेशनल टाइगर कंर्जवेशन अथॉरिटी' आणि 'झू ऑथॉरिटी'कडून सावधगिरी बाळगण्याचे निर्देश देण्यात आले आहेत. नागपुरात गोरेवाडा येथील प्राणी बचाव केंद्र आणि महाराज बाग प्राणी संग्रहालयात वाघांसह हरीण, बिबट, सांबर इतरही प्राण्यांचे वास्तव्य आहे.
हेही वाचा... अमेरिकेत वाघाला कोरोना झाल्याची माहिती पुढे येताच 'ट्रान्झिट ट्रीटमेंट केंद्र' सॅनिटाईज
वन्य प्राण्यांना कोरोनाची लागण होण्याची भीती असल्याने एपिडेमिक डीजिस एक्ट 1897 च्या अनुसार प्राणी संग्रहालय प्रशासनांना उपाय योजना करण्याचे आदेश देण्यात आले आहे. नागपूर येथील महाराजबाग प्राणी संग्रहालय १५ मार्चपासून बंद आहे. प्राण्यांची देखरेख करणारे कर्मचारी तिथेच राहत आहे. प्राण्यांमध्ये काही बदलाव दिसतोय, कोरोनाची काही लक्षण दिसत आहेत का ? यावर लक्ष ठेवण्यासाठी प्राण्यांच्या पिंजऱ्यामध्ये सीसीटीव्ही कॅमेरे बसवण्यात आले आहेत. वन्यप्राण्यांच्या सर्व हालचालींवर बारीक लक्ष ठेवले जात असून त्याची खुराक देखील वाढवण्यात आला आहे. प्राण्यांची रोगप्रतिकारक शक्ती मजबूत करण्यासाठी महाराजबाग प्रशासनाने 'डाएट चार्ट' देखील तयार केला आहे.
हेही वाचा... #corona: न्यूयॉर्कमध्ये वाघिणीला कोरोना, मुंबईच्या राणीबागेतील प्राण्यांची घेतली जातेय विशेष काळजी
