नागपूरकरांनो लॉकडाऊनला सहकार्य करा; पालकमंत्री डॉ. नितीन राऊतांचे आवाहन

लॉकडाऊनला नागरिकांनी, व्यापारी, उद्योजक, कर्मचारी, कामगार, डेली वेजेस कर्मचारी यांनी सहकार्य करण्याचे आवाहन त्यांनी केले. अमरावतीत लॉकडाऊनंतर कोरोना बधितांची संख्या घटली आहे. यामुळे या आवाहानाला नागरिकांनी सहकार्य करा. लॉकडाऊन वाढवण्याची वेळ येऊ नये यासाठी सर्वांच्या सहकार्याची गरज असल्याचे राऊत म्हणाले.

नागपूर - नागपूर शहरामध्ये दररोज दोन हजारांवर कोरोना बाधित रुग्ण आढळून येत आहेत. शहरामध्ये वाढता संसर्ग रोखण्यासाठी प्रशासनाने 15 ते 21 मार्च काळात कडकडीत लॉकडाऊन घोषित करण्यात आला आहे. या काळात विनाकारण फिरणाऱ्यांवर कारवाई करण्याचे स्पष्ट निर्देश देण्यात आले आहेत. कोरोनाची साखळी तोडण्यासाठी घराबाहेर न पडता सहकार्य करा, असे आवाहन ऊर्जा मंत्री तथा पालकमंत्री डॉ.नितीन राऊत यांनी नागरिकांना केले आहे.

लॉकडाऊनच्या पार्श्वभूमीवर त्यांनी रविवारी विभागीय आयुक्त डॉ. संजीवकुमार, पोलीस आयुक्त अमितेश कुमार, जिल्हाधिकारी रवींद्र ठाकरे महानगरपालिका आयुक्त राधाकृष्णन बी. जिल्हा परिषदेचे मुख्य कार्यकारी अधिकारी योगेश कुंभेजकर आदी प्रमुख अधिकाऱ्यांशी संपर्क साधून आढावा घेतला.

नागपूरकरांनो लॉकडाऊनला सहकार्य करा

सर्वांनी पुढील लॉकडाऊन टाळण्यासाठी आताच सहकार्य करा-लॉकडाऊनला नागरिकांनी, व्यापारी, उद्योजक, कर्मचारी, कामगार, डेली वेजेस कर्मचारी यांनी सहकार्य करण्याचे आवाहन त्यांनी केले. अमरावतीत लॉकडाऊनंतर कोरोना बधितांची संख्या घटली आहे. यामुळे या आवाहानाला नागरिकांनी सहकार्य करा. लॉकडाऊन वाढवण्याची वेळ येऊ नये यासाठी सर्वांच्या सहकार्याची गरज असल्याचे राऊत म्हणाले.नागपूर शहारालगत तालुक्यासह ग्रामीण भागालाही अलर्ट-जिल्हाधिकारी रवींद्र ठाकरे यांनी देखील लॉकडाऊनमध्ये शहरालगतच्या तालुक्यातील नागरिकांनी सहकार्य करण्याचे आवाहन केले आहे. नागपूर लगतच्या कामठी शहरातील जुने व नवीन पोलीस ठाण्याच्या हद्दीतील गावे जसे हिंगणा, सोनेगाव, कोराडी, कळमना, हुडकेश्वर आदी पोलीस स्टेशनच्या हद्दीचा समावेश करण्यात आला. या संपूर्ण हद्दीमध्ये संचारबंदी कायम राहणार आहे. ग्रामीण भागामध्ये सायंकाळी सहा वाजता पासून दुकाने बंद करण्याचे निर्देश दिले आहेत. यासह ग्रामीण भागातील नागरिकांनी सुद्धा विनाकारण नागपूर पोलीस आयुक्तांच्या हद्दीत येऊ नसे असा इशारा करण्यात आला आहे. ग्रामीण भागात रुग्णसंख्या वाढल्यास भविष्यात अडचणी वाढेल यामुळे सहकार्य करा असे म्हणण्यात आले आहे.लसीकरणासाठी एनजीओना आवाहन-या कालावधीत मद्यविक्री दुकाने बंद राहतील. मात्र, ऑनलाईन मद्यविक्रीस परवानगी देण्यात आली आहे. शहर व ग्रामीण भागात 128 केंद्रांवर ज्येष्ठांचे कोविड लसीकरण सुरू आहे. लसीकरण केंद्रापर्यंत ज्येष्ठांना पोहचविण्यासाठी लोकप्रतिनिधी आणि स्वयंसेवी संस्थांनी पुढे येण्याचे आवाहन प्रशासनाने केले.घराबाहेर पडावे लागणार नाही, असे करा नियोजन-अत्यावश्यक सेवा बँक, पोस्ट, मेडिकल स्टोअर्स, शासकीय व खासगी रुग्णालये, डोळ्यांचे रुग्णालये, चष्मा विक्री केंद्र सुरू असतील. फळे, भाजीपाला, मांस, मासे, दूध, अंडी आदि विक्री करणारी दुकाने सुरु राहतील. सकाळच्या सुमरास कामे करून घ्यावे. शक्य असल्यास सात दिवस घरा बाहेर पडावे लागणार नाही, असे निर्णय घेण्याचे आवाहनही राऊत यांनी केले आहे.