Nagpur Railway Station : नागपूरच्या कैद्यांनी तयार केलेल्या वस्तूंचे अजनी स्टेशनवर प्रदर्शन

नागपूर मध्यवर्ती ( Nagpur Central Jail ) कारागृहातील बंदीवनांनी तयार केलेल्या वस्तुंना (Made By Nagpur Prisoners ) बाजारपेठ उपलब्ध व्हावे या उद्देशाने नागपूर गृह आणि मध्य रेल्वेच्या विशेष प्रयत्नाने अजनी रेल्वे स्टेशनवर ( Ajani Railway Station ) बंदीवनांनी तयार केलेले साहित्य विक्रीसाठी उपलब्ध करून देण्यात आले आहेत.

नागपूर - नागपूर मध्यवर्ती कारागृहातील शेकडो बंदिवान लाकडी सुबक वस्तूंसह अनेक प्रकारच्या वस्तू, कापड, शर्ट, सजावटीचे साहित्य तयार करतात. बंदीवनांनी तयार केलेल्या वस्तुंना नागपुरात चांगली मागणी देखील आहे. बंदीवनांनी तयार केलेल्या वस्तुंना बाजारपेठ उपलब्ध व्हावे या उद्देशाने नागपूर मध्यवर्ती कारागृह आणि मध्य रेल्वेच्या विशेष प्रयत्नाने अजनी रेल्वे स्टेशनवर ( Ajani Railway Station ) बंदीवनांनी तयार केलेले साहित्य विक्रीसाठी उपलब्ध करून देण्यात आले आहेत.

एक स्टेशन एक उत्पादन योजना -"आझादी का अमृत महोत्सव" ( Azadi Ka Amrit Mahotsav ) या कार्यक्रमाचे निमित्ताने आणि प्रधानमंत्री नरेंद्र मोदी यांच्या संकल्पनेतुन "एक स्टेशन एक उत्पादन योजना" या अभियानांतर्गत हा उपक्रम राबवला जात आहे. या अभियानांतर्गत कारागृहातील कैद्यांनी निर्मित वस्तूचे प्रदर्शन (Exhibition of Items Made By Nagpur Prisoners ) तथा विक्री केंद्राचे उद्घाटन कारागृह उपमहानिरीक्षक पुर्व विभाग स्वाती साठे यांच्या हस्ते करण्यात आले आहे. यावेळी मध्य रेल्वेचे वरिष्ठ विभागीय वाणिज्य व्यवस्थापक कृष्णांत पाटील,नागपूर मध्यवर्ती कारागृह अनुपकुमार कुमरे,आणि अजनी रेल्वे स्टेशन मास्तर माधुरी चौधरी उपस्थित होते.