लढा २०८ वर्षे पुरातन पिंपळाचे वृक्षाला वाचवण्याचा.. शेगावचे गजानन महाराजही याच झाडाखाली बसायचे

पिंपळाचे झाड ( pipal tree) सनातन धर्मात अत्यंत पवित्र मानले जाते. या झाडामध्ये देवी-देवतांचा वास असतो आणि त्याची पूजा केल्याने अनेक फायदे होतात असे मानले जाते. नागपूरच्या सीताबर्डी परिसरात असेच एक पुरातन पिंपळाचे झाड ( pipal tree ) असून 208 वर्षांच्या या वृक्षाला तोडण्याची जाहिरात महापालिकेने प्रसिद्ध केली आहे. शेगावच्या गजानन महाराजांचे वास्तव्य लाभलेल्या या वृक्षाला वाचवण्यासाठी पर्यावरणप्रेणी पुढे सरसावले आहेत.

नागपूर - नागपूर शहराच्या मध्यभागी असलेल्या सीताबर्डी बाजाराच्या अगदी शेजारी असलेल्या लोकवस्तीतील एक झाड सध्या चर्चेचा विषय ठरले आहे. हे पिंपळाचे झाड ( pipal tree) साधं-सुधं नसून त्याचे वय तब्बल २०८ वर्षे आल्याचा दावा पर्यावरण प्रेमींकडून केला जात आहे. (Fight to save 208 years old pipal tree) नागपूर शहरातील सर्वाधिक वयोमान असलेले झाडं असल्याची शक्यता देखील त्यांनी वर्तवली आहे. एका रिकाम्या भूखंडाच्या मध्यभागी असलेल्या झाडाला तोडण्याची जाहिरात नागपूर महानगरपालिकेकडून वर्तमानपत्रात प्रकाशित होताच पर्यावरणप्रेमी या झाडाला वाचण्यासाठी (Fight to save 208 years old pipal tree) पुढे सरसावले आहेत.

स्थानिक नागरिक पिंपळाचे झाड कापायला विरोध करू लागले आहेत. शेकडो पक्षांचे घरटे या झाडावर आहेत. शिवाय शेगावीचे संत गजानन महाराज देखील या ठिकाणी येऊन बसायचे असा दावा स्थानिक नागरिकांनी केला आहे. त्यामुळे आता हे झाडं वाचवणे म्हणजे आमच्या आस्थेचा आणि अस्मितेचा प्रश्न निर्माण झाल्याचे स्थानिक सांगत आहेत.

लढा २०८ वर्षे पुरातन पिंपळाचे वृक्षाला वाचवण्याचा.

सीताबर्डी परिसरातील निवासी घनश्याम पुरोहित यांनी नागपूर महानगरपालिकेकडे २०८ वर्षे जुने झाड तोडण्यासाठी अर्ज सादर केला आहे, त्यावरून नागपूर महानगरपालिकेने झाड तोडण्याची एक जाहिरात वर्तमानपत्रात प्रकाशित केली आहे. कुणाला झाडं तोडण्यास हरकत असेल तर त्यांनी आपला आक्षेप नोंदवावा असं त्यात आवाहन करण्यात आले आहे. ही जाहिरात प्रकाशित होताच पर्यावरणप्रेमींसह अनेक नागरिक झाडाला वाचवण्यासाठी पुढे सरसावले आहेत. (Fight to save 208 years old pipal tree)

हे ही वाचा - Maharashtra winter session 2021 - हिवाळी अधिवेशनाचे ठिकाण बदलल्याबाबत विदर्भातील काँग्रेस नेते म्हणाले...

ग्रीन व्हिजील आक्षेप नोंदवणार -

अर्बन ट्री कायदा १९७५ नुसार ५० वर्षांवरील प्रत्येक झाडं हे हेरिटेजच्या श्रेणीत गणले जाते. या झाडाचे वय हे २०८ वर्षे इतके असल्याने त्याला कुणाच्या साक्ष पुराव्याची गरज नाही. महानगरपालिकेने केलेल्या आवाहनानुसार ग्रीन व्हिजील संस्था रीतसर आक्षेप नोंदवणार असल्याची माहिती कौस्तुभ चॅटर्जी यांनी दिली आहे.

लढा २०८ वर्षे पुरातन पिंपळाचे वृक्षाला वाचवण्याचा.

शेगावच्या गजानन महाराज याच झाडाखाली बसायचे -

शेगावीचे संत गजानन महाराजांच्या पदस्पर्शाने पावन झालेल्या नागपूर नगरीने महाराजांच्या अस्तित्वाची साक्ष देणाऱ्या अनेक पाऊलखुणा अजूनही जपलेल्या आहेत. त्यापैकीच एक म्हणजे बुटी वाडा आहे. गजानन महाराज बुटी वाड्यात काही काळ वास्तव्यास होते. त्या दरम्यान वाड्याच्या आजूबाजूला असलेल्या परिसरात देखील गजानन महाराज भ्रमण करायचे, तेव्हा ते याच झाडाखाली अनेक तास बसायचे असे स्थानिक नागरिक सांगतात.