मुंबई - एटीएममध्ये पैसे काढण्यासाठी गेलेल्या तरुणीचा विकृताने विनयभंग केल्याने खळबळ उडाली आहे. ही घटना मुलूंड पूर्वेकडील परिसरात रविवारी सकाळी अडीच वाजता घडली. संदिप कुंभारकर असे त्या विकृताचे नाव आहे. विकृत संदिपविरोधात मुलूंड पोलीस ठाण्यात गुन्हा दाखल करण्यात आला आहे.
पीडित तरुणी रिक्षावाल्याला भाड्याचे पैसे द्यायचे होते. त्यासाठी पीडिता पैसे काढण्यासाठी एटीएममध्ये गेली होती. त्यावेळी मदतीच्या बहाण्याने विकृत संदिप हा एटीएममध्ये घुसला. त्यानंतर त्याने पीडितेशी बोलण्याचा प्रयत्न केला. मात्र पीडितेने त्याच्याकडे दुर्लक्ष केले. यावेळी संदीपने तरुणीला गुप्तांग दाखवल्याचा आरोप पीडितेने केला आहे.
पीडितेने मोबाईलने संदिपचा गुप्तांग दाखवतानाचा व्हिडिओ काढला. पीडिता व्हिडिओ काढत असल्याचे पाहून विकृत संदिप तोंड लपवत पळून गेला. त्यामुळे घाबरलेल्या पीडितेने गस्तीवरील पोलीस कर्मचाऱ्यास याबाबत सांगितले. त्यावेळी गस्तीवर असलेल्या नवघर पोलीस ठाण्यातील वाहनाने संदिपचा पाठलाग करत ठाण्याच्या कोपरीतून त्याला अटक केली. या प्रकरणी पीडितेने तो व्हिडिओ समाजमाध्यमावर ट्विट केल्यानंतर मुलुंडच्या नवघर पोलिसांनी संदीपविरोधात कलम 354 (ए) आणि 509 कलमांतर्गत गुन्हा दाखल केला आहे.
