मुंबई - मराठी आणि हिंदी सिने चित्रपटसृष्टीतील ज्येष्ठ अभिनेत्री वत्सला देशमुख यांचे आज मुंबईत निधन ( Veteran film actress Vatsala Deshmukh passed away ) झाले. त्यांच्या निधनाने कला जगतातील आणखी एक तारा निखळला. मराठी चित्रपट सृष्टीतील चतुरस्त्र अभिनेत्री रंजना देशमुख यांच्या त्या मातोश्री होत्या.
पिंजरातील भूमिका आजरामर -
हिंदी आणि मराठी सिनेमा चित्रपटसृष्टीत आपल्या अभिनयाचा ठसा उमटवणाऱ्या ज्येष्ठ अभिनेत्री वत्सला देशमुख यांचे आज वयाच्या 92 व्या वर्षी निधन झाले. वत्सला देशमुख यांनी पिंजरा चित्रपटात केलेली अक्काची भूमिका अजरामर झाली. या भूमिकेतील वत्सला यांच्या तोंडी असलेले संवाद सिनेरसिकांच्या मनावर आजही ठसलेले आहेत. या चित्रपटात त्या आपल्या छोट्या भगिनी दिवंगत अभिनेत्री संध्या यांच्यासोबत काम करत होत्या. मराठी चित्रपट सृष्टीतील चतुरस्त्र अभिनेत्री रंजना देशमुख यांच्या त्या मातोश्री होत्या.
या चित्रपटातील भूमिका गाजल्या -
जल बिन मछली, नृत्य बिन बिजली, नवरंग आया तुफान हिंदी सिनेमातून त्यांनी आपल्या अभिनयाद्वारे ठसा उमटवला तर पिंजरा बाळा गाऊ कशी अंगाई या मराठी चित्रपटातून त्यांनी केलेल्या भूमिका चांगल्याच गाजल्या. जाण्याने मराठी चित्रपट सृष्टीतील आणखी एक ज्येष्ठ आणि श्रेष्ठ कलावंत काळाच्या पडद्याआड गेला आहे.
