मुंबई - कोरोना व्हायरसपासून बचाव करण्यासाठी मोठ्या संख्येने लसीकरण करण्यात येत आहे. मात्र एका लसीकरण केंद्रात एक धक्कादायक प्रकार उघडकीस आला आहे. लसीचा दुसरा डोस घेण्यासाठी महेश मेजारी भांडुप येथील लसीकरण केंद्रात गेले होते. तेव्हा नोंदणी करायला गेले आणि लसीकरण झाल्याचे प्रमाणपत्रच हातात आले. अशा प्रकारची घटना ही दुसऱ्यांना घडली असून राजावाडी येथे देखील नाईक दाम्पत्यासोबत अशीच घटना काही दिवसांपूर्वी घडली होती.
कोरोना लस न घेताच मिळाले प्रमाणपत्र
या अगोदरही घडली होती अशी घटना -
एकीकडे लसीकरण करा म्हणून सरकार लोकांना आवाहन करत आहे. मात्र, दुसरीकडे लसीकरण करताना सावळा गोंधळ समोर आला आहे. कारण, लस न घेताच लस घेतल्याचे प्रमाणपत्र मिळाल्याचा धक्कादायक प्रकार समोर आला आहे. घाटकोपरमधल्या नाईक दांपत्याने लसीचा पहिला डोस घेतला मात्र दुसरा डोस घेण्याआधीच त्यांना लसीचे दोन्ही डोस पूर्ण झाले म्हणून अभिनंदनाचा मेसेज आला आणि थेट अधिकृत प्रमाणपत्रही मिळाले. हे प्रकरण समजून घेण्यासाठी महापूर किशोरी पेडणेकर यांनी राजावाडी रुग्णालयात धाव घेतली व हे प्रकरण समजून घेतले.
