मुंबई : दसरा मेळाव्यात उद्धव ठाकरे काय बोलणार ? याची उत्सुकता सर्वांना लागली असतानाच आता उद्धव ठाकरेंचा (Uddhav Thackeray meeting) दौरा जाहीर झाला आहे. शिवसेनेत उभी फूट पडल्यानंतर 'मी काही काळ शिवसेना भवनात बसेल. तिथे पक्ष संघटन मजबूत करेल आणि महाराष्ट्र दौऱ्यावर निघेल' असं उद्धव ठाकरे यांनी जाहीर केलं होतं. ठरल्याप्रमाणे आता उद्धव ठाकरे यांच्या दौऱ्याचा पहिला टप्पा जाहीर करण्यात आला आहे. दसरा मेळाव्यानंतर उद्धव ठाकरे नऊ तारखेला मुख्यमंत्री एकनाथ शिंदे यांच्या बालेकिल्ल्यात म्हणजे ठाण्यातील टेम्भी नाक्यावर पहिली सभा घेणार (Uddhav Thackeray meeting On 9 Octobe) आहेत.
शिवसेनेचे ठाणे आणि ठाण्याची शिवसेना - ठाण्यातील शिवसेनेची तत्कालीन जिल्हाध्यक्ष आनंद दिघे यांचे कार्यकाळात ठाण्यात शिवसेना वाढीस लागली. याच आनंद दिघे यांचे वट्ट शिष्य म्हणून मुख्यमंत्री एकनाथ शिंदे आणि खासदार राजन विचारे ओळखले जातात. आजच्या घडीला एकनाथ शिंदे हे बंडखोर आमदारांच्या गटाचे नेते असून राजन विचारे हे अजूनही उद्धव ठाकरेंसोबत आहेत. शिवसेनेने जिंकलेली पहिली महानगरपालिका निवडणूक, ती म्हणजे ठाणे महानगरपालिकेची. ठाणा महानगरपालिकेपासून शिवसेनेला पालिकांमध्ये सत्ता मिळण्यास सुरुवात झाली. तेव्हापासून शिवसेनेचे ठाणे आणि ठाण्याची शिवसेना असं म्हटले (Uddhav Thackeray meeting at Tembi Naka in Thane) जातं.
टेम्भी नाका आणि आनंद दिघे - आनंद दिघे 'ज्या' ठिकाणी बसून ठाण्याचा कारभार पाहायचे, तो परिसर म्हणजे ठाण्यातील टेंभी नाका. आनंद दिघे यांच्या मृत्यूनंतर ते ज्या ठिकाणी बसून काम करायचे त्या ठिकाणाला, आनंद आश्रम असं नाव देण्यात आलं. एकनाथ शिंदे यांच्या गटाने बंडखोरी केल्यानंतर त्यांच्याकडून नेहमीच बाळासाहेब ठाकरे आणि आनंद दिघे यांच्या शिकवणीची आठवण करून दिली जात आहे. त्यामुळे एकनाथ शिंदे यांच्या एकूणच राजकीय करिअरमध्ये ठाणे आणि टेम्भी नाक्याला फार महत्त्व आहे.
दरम्यान, ज्या टेम्भी नाक्यावरून एकनाथ शिंदे हे एक राजकीय नेते म्हणून उदयास आले, ठाण्याचे नेते झाले. त्याच टेम्भी नाक्यावर आता उद्धव ठाकरे सभा घेणार आहेत. थेट मुख्यमंत्र्यांच्या बालेकिल्ल्यातच उद्धव ठाकरे यांच्या दौऱ्याची पहिली सभा होणार असल्याने आता उद्धव ठाकरे (Uddhav Thackeray) यांच्या दौऱ्याकडे सर्वांचे लक्ष लागले आहे.
